Duniya za Ta Huta: Trump Ya Ce Yaki da Iran Ya Zo Karshe, Babu Sauran kai Hari
- Shugaba Donald Trump ya yi ikirarin cewa Amurka ta kammala yaƙi da Iran, bayan ya sanar a ranar Alhamis cewa an cimma matsaya
- Trump ya ce an yi wani babban sulhun da ya ce zai kawo ƙarshen rikicin da ake da kasar Iran tare da sake buɗe mashigar ruwa ta Hormuz
- Ya kuma kara da cewa mataimakin shi, JD Vance, na iya halartar bikin sanya hannu kan yarjejeniyar a Turai cikin kwanaki masu zuwa
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.
America - Shugaban Amurka Donald Trump ya ce Iran ta amince da daina ƙera makaman nukiliya da daina sayen su a matsayin wani ɓangare na tattaunawar da ake ci gaba da yi.
Da yake magana ta wayar tarho da magoya bayansa, Trump ya ce fahimtar juna ta farko da suka yi da Iran ta shafi hana ƙera makaman nukiliya ne kawai.
Source: Getty Images
“Yaki da Iran ya kare,”Trump
CNN ta wallafa cewa shugaban Amurka Donald Trump ya yi ikirarin cewa Amurka ta gama yaƙi da Iran a jiya Alhamis, bayan ya bayyana tun da farko cewa ɓangarorin biyu sun amince da wata takardar fahimtar juna domin dakatar da faɗa.
“Ban sani ba ko kun ji, amma mun kawo ƙarshen yaƙi da Iran yau (Alhamis),”
In ji Trump yayin wani taron wayar tarho na goyon bamyan ataimakin gwamnan jihar Georgia, Burt Jones da ke neman kujerar gwamna.
“Sun amince ba za su taɓa mallakar makamin nukiliya ba, abin da muka dage a kai; wannan shi ne babban manufar. Kashi 95 cikin 100 na batun kenan.”
Iran ta yi wa Trump martani
A ranar Alhamis shugaba Donald Trump ya ce Washington da Tehran na iya sanya hannu kan yarjejeniyar zaman lafiya tun a wannan ƙarshen mako, abin da zai iya sa a sake buɗe mashigar Hormuz.
Roya News ta wallafa cewa kasar Iran ta nuna cewa har yanzu ba a yanke hukunci na ƙarshe kan yarjejeniyar da aka gabatar ba.
Kakakin ma’aikatar harkokin wajen Iran, Esmaeil Baghaei, ya ce an riga an amince da yawancin abubuwan da ke cikin daftarin yarjejeniyar, amma ya jaddada cewa Tehran ba za ta yarda a danne ta ba.
“Har yanzu ba mu kai ga matsaya ta ƙarshe a wannan batu ba,”
In ji Baghaei, yana mai ƙarawa da cewa har yanzu hukumomin da suka dace a Iran na nazarin shirin.
Source: Getty Images
Karin bayani daga Trump
Da yake magana a Fadar White House, Trump ya shaida wa manema labarai cewa yanzu haka sun cimma wani babban sulhu game da yaƙin Iran.
Lokacin da aka tambaye shi ko Jagoran Addini na Iran, Ayatollah Mojtaba Khamenei, ya amince da tsarin yarjejeniyar, Trump ya amsa da cewa:
“Abin da na fahimta shi ne eh.”
Trump ya soke kai hari Iran
A wani labarin, kun ji cewa a ranar Alhamis shugaban Amurka, Donald Trump ya yi barazanar kai wa Iran wani mummunan hari.
Ya yi barazanar kai hare-hare da kuma yiwuwar karɓe iko da tsibirin Kharg, babban tashar fitar da mai da ke gabar tekun Iran.
Sai dai shugaban ya fito ya janye daga barazanar, inda ya ce kasashe da dama ciki har da Saudiyya, sun yi yarjejeniya da Iran.
Asali: Legit.ng
