Kowa Ya Bi: An Gano Motar Kamfen PDP da Hoton Tinubu, Bidiyon Ya Jawo Magana

• Wani bidiyo da ke nuna motar jam’iyyar PDP mai ɗauke da hoton Bola Tinubu ya jawo maganganu a kafofin sadarwa
• ’Yan Najeriya sun mayar da martani kan bidiyon, inda wasu suka soki jam’iyyun adawa saboda rashin haɗa kai
• Atiku Abubakar na ADC da Peter Obi na NDC za su fafata da Tinubu, yayin da rarrabuwar ƙuri’un adawa za ta iya ƙarfafa matsayinsa

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Yenagoa, Bayelsa - Wani bidiyo da ake ganin motar jam’iyyar PDP mai ɗauke da hoton Shugaba Bola Tinubu ya dauki hankulan mutane.

An gano motar tana yaƙin neman zaɓen Tinubu a Bayelsa inda ya sake jawo tambayoyi kan halin da jam’iyyun adawa suke ciki gabanin babban zaɓen 2027.

An gano motar PDP da hoton PDP

Wata mai amfani da shafin sada zumunta mai suna Enny ce ta wallafa bidiyon wanda ya jawo maganganu da fargaba kan jam'iyyun adawa.

Kara karanta wannan

Atiku ya yi sabon bidiyo ya kira Tinubu da 'Bola' duk da APC ta yi gargadi

Enny ta yi magana tare da rubuta cewa:

“Wataƙila Tinubu ba sai ya fita ya yi yaƙin neman zaɓe da kansa ba.”

Martanin ’yan Najeriya kan bidiyon PDP da ya yaɗu

Bidiyon ya jawo hankalin jama’a cikin sauri, inda mutane da dama suka yi tsokaci a kafafen sada zumunta daban-daban na Najeriya.

Yawancin martanin da aka yi a intanet bai tsaya kan bidiyon kawai ba, sai dai abin da yake wakilta: jam’iyyar adawa da ake ganin tana yi wa ɗan takarar jam’iyyar APC mai mulki aiki.

Wasu ’yan Najeriya sun yi amfani da lamarin wajen sukar jam’iyyun adawa saboda gazawarsu wajen haɗa kai a bayan ɗan takara guda da zai kalubalanci Tinubu, wanda ke neman wa’adi na biyu.

Wasu daga cikin martanin da ’yan Najeriya suka yi:

Delegun Ajibola ya rubuta cewa:

“Na kalli bidiyon sau uku domin tabbatar da abin da nake gani. PDP ce ke yi wa shugaban ƙasa kamfen a bainar jama’a. Tazarar nasarar za ta kasance abin mamaki.”

Kara karanta wannan

Magana ta bambanta: APC ta faɗi gaskiya kan rigimar Wike da gwamnoninta

Akonauche ya yi tsokaci da cewa:

“Ban ga yadda Tinubu zai faɗi zaɓen nan ba. Atiku da PO sun sauƙaƙa masa al’amura ta hanyar fafatawa da shi a jam’iyyu daban-daban; yanzu kuma PDP tana yi wa APC kamfen. Taya murna, Bat.”

Akanni ya wallafa cewa:

“Ka yi tunanin motar PDP tana ɗauke da hoton Tinubu. Ashe Allah ba shi ne mafi girma ba?”

Tunji Nosiru ya nuna farin cikinsa da abin da ya faru, inda ya ce:

“Ba mu taɓa ganin irin wannan abu ba. Ina farin cikin kasancewa cikin waɗanda suka shaida wannan tarihi. PBAT TA GAGARA!”

Geokay ya ce:

“Tinubu zai koya muku siyasa dole. Soludo, Wike da Adeleke za su yi irin wannan abu a jihohinsu.”

Gwamnonin adawa sun shiga kamfen Tinubu

Kun ji cewa APC ta fitar da sabon jerin kwamitin yaƙin neman zaɓen shugaban ƙasa na 2027, inda aka haɗa Nyesom Wike, da gwamnonin adawa.

Kara karanta wannan

INEC ta fadi dalilin cire sunan Pantami da sauran 'yan takara, ta ba su zabi

Bola Tinubu zai jagoranci kwamitin, yayin da Kashim Shettima da Nentawe Yilwatda za su kasance mataimakan shugabanni, tare da Godswill Akpabio.

APC ta naɗa Abdulaziz Yari darakta janar, yayin da Hope Uzodimma zai zama sakatare, domin tsara yaƙin neman zaɓen shugaban ƙasa na 2027.

Asali: Legit.ng