Takarar Pantami Ta Samu Matsala, Kotu Ta Soke Zaben Fidda Gwani na PDP
- Babbar Kotun Tarayya da ke Gombe ta umarci PDP ta sake gudanar da zaɓen fidda gwani na takarar gwamna a jihar
- Usman Aliyu Garry ne ya shigar da ƙara yana kalubalantar zaman Farfesa Isa Ali Pantami a matsayin ɗan takarar jam'iyyar PDP
- Kotun ta ce dole PDP ta gudanar da sabon zaɓen fidda gwani bisa ƙa’idojin jam’iyyar da dokokin zaɓe
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da kwarewar shekaru wajen kawo rahotannin siyasa, al'amuran yau da kullum, tsegumi da nishadi
Jihar Gombe - Babbar Kotun Tarayya da ke zamanta a Gombe ta umarci Jam’iyyar PDP ta sake gudanar da zaɓen fidda gwani na takarar gwamna a Jihar Gombe.
Mai shari’a Amina Aliyu Mohammed ce ta yanke hukuncin a wata ƙara da Usman Aliyu Garry ya shigar.
Source: Facebook
A cikin karar, Usman Aliyu Garrya ya kalubalanci zaman Farfesa Isa Ali Pantami a matsayin ɗan takarar gwamna na PDP.
Garry ya ƙalubalanci zaman Pantami ne bayan da jam’iyyar ta sanar da shi a matsayin ɗan takararta tilo a ranar 26 ga Yuni 2026.
Ya yi zargin cewa ba a gudanar da zaɓen fidda gwani da ya dace ba kafin sanar da Pantami a matsayin ɗan takarar jam’iyyar.
Pantami ya koma PDP daga APC
Kafin komawarsa PDP, Pantami ya kasance ɗaya daga cikin masu neman tikitin takarar gwamna a ƙarƙashin jam’iyyar APC.
Sai dai bayan APC ta amince da Jamilu Gwamna a matsayin ɗan takararta na maslaha, Pantami ya fice daga jam’iyyar ya koma PDP.
Daga bisani, an tabbatar da Pantami a matsayin ɗan takarar PDP yayin zaɓen fidda gwani na jam’iyyar da aka gudanar a watan Mayun 2026.
Kotun ta bayar da umarnin sake gudanar da zaɓen
A hukuncin da ta yanke ranar Alhamis, kotun ta umarci PDP ta sake gudanar da zaɓen fidda gwani domin zaɓen ɗan takarar gwamna a jihar.
Kotun ta ce sabon zaɓen dole ne ya kasance bisa ƙa’idojin jam’iyyar da kuma dokokin da suka shafi gudanar da zaɓe.
Hukuncin ya zo ne yayin da siyasar Gombe ke ƙara samun sauye-sauye gabanin zaɓen gwamnan jihar.
Ku dakaci karin bayani......
Asali: Legit.ng
