Najeriya Ta Yi Rashi da 'Yan Bindiga Suka Hallaka Jami'in Tsaro a Plateau

• Wasu ’yan bindiga sun kashe wani jami’in tsaro a kusa da Kwi, tsakanin ƙananan hukumomin Riyom da Barkin Ladi a jihar Plateau
• Lamarin ya faru da misalin ƙarfe 7:00 na yammacin Alhamis, lokacin da jami’in ke kan babur zuwa wurin aikinsa a yankin Chit na Heipang
• Kakakin ƙungiyar Berom Youth Moulders-Association ya yi Allah-wadai da kisan, yana mai kira da a ɗauki matakan gaggawa domin inganta tsaro

​​​​​​​​​​​​​​​​​​​​​​​​​Editan Legit Hausa Sharif Lawal yana da kwarewar shekaru wajen kawo rahotannin siyasa, al'amuran yau da kullum, tsegumi da nishadi

Jihar Plateau - Wasu ’yan bindiga sun kashe wani jami’in tsaro yayin da yake kan hanyarsa ta zuwa wurin aikinsa a kan hanyar Kwi-Beco da ke jihar Plateau.

Majiyoyi sun bayyana cewa lamarin ya faru ne da misalin ƙarfe 7:00 na yammacin ranar Alhamis, 8 ga watan Oktoban 2026 a yankin Kwi, tsakanin ƙananan hukumomin Riyom da Barkin Ladi na jihar.

Kara karanta wannan

To fa: Gwamnatin tarayya ta yi gargadi kan sababbin hanyoyin da 'yan ta'adda suka bullo da su

An kashe jami’in a kan hanyar zuwa aiki

Rahotan jaridar Vanguard ya nuna cewa jami’in tsaron na kan babur ne zuwa wurin aikinsa da ke yankin Chit, a Heipang, lokacin da maharan suka kai masa hari suka kashe shi.

Majiyoyin sun ƙara da cewa maharan sun yi awon gaba da babur ɗin jami’in bayan sun kashe shi.

Ƙungiyar Berom ta yi Allah-wadai da kisan

Kakakin ƙungiyar Berom Youth Moulders-Association (BYM), Rwang Tengwong, ya tabbatar da faruwar lamarin, inda ya bayyana kisan a matsayin abin tayar da hankali.

Tengwong ya ce kashe jami’in tsaro ya haifar da babbar damuwa kan tsaron fararen hula da ke zaune a al’ummomin yankin.

Ya bayyana cewa abin damuwa ne yadda jami’an tsaro da aka tura domin kare al’umma su ma ke fuskantar hare-hare.

An yi kira da a ƙarfafa tsaro

Kakakin ƙungiyar ya yi Allah-wadai da kisan, tare da kira ga hukumomin da abin ya shafa da su ɗauki matakan gaggawa domin magance matsalolin tsaro da ke addabar al’ummomin yankin.

Kara karanta wannan

An ga tashin hankali da 'yan ta'adda suka hallaka sojoji da dan kasar waje a Kebbi

Sai dai har zuwa lokacin kammala wannan rahoto, ba a samu nasarar tuntubar jami’an tsaro domin samun tabbaci a hukumance kan lamarin ba.

Karanta karin wasu labaran kan 'yan bindiga

• 'Yan bindiga sun tafka barna bayan kai kazamin hari a Kebbi
• 'Yan bindiga sun sace mahaifin dan takarar jam'iyyar ADC
• Rikici ya ƙara ƙamari, an kashe tsohon shugaban ƙungiyar matasa Ta BYM a Arewa
• An saki hoton gurgu da bingigogi da ke taimakon 'yan bindiga​

An kashe jagoran 'yan bindiga

A wani labarin kuma, kun ji cewa an kashe wani fitaccen shugaban dabar ’yan bindiga, Kachalla Mu’azu, da wasu manyan yaransa shida a jihar Zamfara da ke Arewa maso Yamma.

Dan ta'addan, wanda ya addabi al'umma ya yi bankwana da duniya ne a wani artabu tsakanin ƙungiyoyin ’yan bindiga masu hamayya da juna a jihar Zamfara.

Kachalla Mu’azu da mutanensa suna dawowa ne daga Kasuwar Yankara lokacin da mambobin wata dabar ’yan bindiga suka kai musu harin kwanton bauna a kan hanyar da suke bi.

Asali: Legit.ng