Rigima na Kara Zafi da Iran, An Sake '"Yunkurin Kashe" Shugaban Kasar Amurka
- An kama wani mutumi mai suna, Jeanine John Taele dauke da bindiga a kusa da filin wasan golf na Shugaban Amurka, Donald Trump
- Rahoto ya nuna cewa an kama mutumin ne yayin da Trump ke shirin kai ziyara wurin wasan a jihar California
- An same shi da bindiga da harsasai haramtattu yayin da yake daukar hotuna da bidiyo a wajen
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
California, US - Ana zargin an sake yunkurin kai hari kan shugaban Amurka, Donald Trump amma jami'an tsaro sun yi nasarar rusa shirin.
An fara wannan zargi ne bayan hukumomi a jihar California ta Amurka sun kama wani mutum da aka gani kusa da filin wasan golf mallakar Shugaba Donald Trump, dauke da makamai.
Source: Getty Images
An dakile yunkurin kai wa Trump hari
BBC News ta ruwaito cewa an kama mutumin dauke da bindiga gabanin ziyarar da Trump ke shirin kai wa wurin domin halartar taron tara kudin yakin neman zaben jam’iyyar Republican.
Jami’an bincike sun ce an kama Jeanine John Taele, mai shekaru 38, ne a filin wasan golf na Trump National Golf Course da ke Rancho Palos Verdes, inda aka same shi da bindiga da harsasai da ba a yarda da su ba.
A cewar Hukumar Sheriff ta Los Angeles, an ga mutumin yana yawo a filin wasan yana daukar hotuna da bidiyo, sannan yana nuna kamar yana bibiyar shirye-shiryen tsaro da ake yi.
An kama shi ne ranar Lahadi da rana. Trump ya kai ziyarar California domin halartar wani taron tara kudin jam’iyyar Republican da aka shirya gudanarwa a filin wasan golf din ranar Talata.
Ana sa ran za a gurfanar da mutumin a gaban kotun tarayya ranar Alhamis domin yiwuwar amsa tuhumar da ake yi masa.
Hukumar FBI ta yi martani
Patrick Grandy, mataimakin daraktan Hukumar FBI ta Los Angeles, ya ce:
“Babu damar yin kuskure, musamman saboda yunkurin da aka taba yi a baya kan rayuwar Shugaba Trump.”
A ranar Litinin, jami’an FBI da ke aiki tare da rundunar yaki da ta’addanci da kuma sashen manyan laifuka na Hukumar Sheriff ta Los Angeles sun kai samame gidansa da ke Downey.
A gidan nasa, an gano bindigar AR da aka yi mata gyare-gyaren da ba su dace da doka ba, kayan kariya na jiki, mujallun harsasai masu yawa da harsasai iri daban-daban.
Source: Getty Images
Shugaba Trump ya kai ziyara California
Wannnan dai na zuwa ne gabanin wata ziyarar da Trump ya kai California, wadda ba kasafai yake yi ba.
Fadar White House ta ce Trump zai gabatar da jawabi mai sukar Gwamnan California, Gavin Newsom, wanda ake ganin yana shirin neman takarar shugaban kasa a zaben 2028.
Trump zai kuma je Las Vegas ranar Laraba domin gabatar da wani jawabi a wani gidan caca, kamr yadda Sky News ta rahoto.
Trump ya tsira daga yunkurin kisa sau uku a shekarun baya. Bayan yunkurin baya-bayan nan, jami’an tsaronsa sun ce za su sake duba tsarin kare shugaban kasar.
Trump ya gargadi Iran kan bude Hormuz
A wani rahoton, an ji cewa Shugaba Donald Trump ya ce da yiwuwar Amurka ta cimma yarjejeniya da Iran kan sake buɗe mashigar Hormuz nan ba da jimawa ba.
Trump ya yi barazanar cewa za a kai wa Iran hari mai tsanani idan tattaunawar ta gaza samar da sakamako mai kyau.
Asali: Legit.ng
