Jerin Kasashe 64 da ba Sa Bukatar Biza domin Shiga Jamus a 2026
- Kasar Jamus za ta ci gaba da bai wa 'yan kasashe 62 damar shiga ba tare da biza ba domin zama na kankanin lokaci a cikin kasar
- Matafiya za su iya zama har zuwa kwanaki 90 cikin kwanaki 180 domin yawon bude ido, ziyarar iyali ko harkokin kasuwanci ba biza
- Jamus ta fadi makomar Najeriya da karin wasu kasashen kan ko wasu daga cikin 'yan kasar za su ci gajiyar zama a cikinta ba tare da biza ba
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.
Jihar Kano – Gwamnatin Jamus ta tabbatar da cewa 'yan kasashe da yankuna 62 da ba sa cikin Tarayyar Turai (EU) ko yankin Schengen za su ci gaba da shiga kasar.
Ta ce ta yi wannan sassauci ne ga wadanda ke sha'awar shiga kasar na dan wani lokaci ba tare da biza ba domin zama na kankanin lokaci a shekarar 2026.
Source: Getty Images
Jaridar Punch ta wallafa cewa bisa ga bayanan da ke shafin Ma'aikatar Harkokin Wajen Jamus, matafiya daga wadannan kasashe za su iya zama a Jamus na tsawon kwanaki 90 cikin kowane kwanaki 180, idan tafiyarsu ta shafi yawon bude ido, halartar tarurrukan kasuwanci ko ziyarar iyali.
Kasashen da za su shiga Jamus ba biza
A ruwayar jaridar Vanguard, wannan rangwamen ba ya bai wa mutum damar yin aikin da ake biya albashi yayin da yake Jamus.
'Yan kasashen da aka lissafo za su iya shiga Jamus ba tare da an bukaci biza ba idan gajeren zama ne sun hada da:
- Albania
- Andorra
- Antigua da Barbuda
- Argentina
- Australia
- Bahamas
- Barbados
- Bosnia da Herzegovina
- Brazil
- Brunei
- Canada
- Chile
- Colombia
- Costa Rica
- Dominica
- El Salvador
- Georgia
- Grenada
- Guatemala
- Honduras
- Hong Kong (masu fasfo na SAR)
- Isra'ila
- Japan
- Kiribati
- Kosovo
- Macao (masu fasfo na SAR)
- Malaysia
- Marshall Islands
- Mauritius
- Mexico
- Micronesia
- Moldova
- Monaco
- Montenegro
- New Zealand
- North Macedonia
- Nicaragua
- Palau
- Panama
- Paraguay
- Peru
- Saint Kitts da Nevis
- Saint Lucia
- Saint Vincent da Grenadines
- Samoa
- San Marino
- Serbia
- Seychelles
- Singapore
- Solomon Islands
- Koriya ta Kudu
- Taiwan (masu fasfo masu lambar katin shaida)
- Timor Leste
- Tonga
- Trinidad da Tobago
- Tuvalu
- Ukraine
- Hadaddiyar Daular Larabawa (UAE)
- Birtaniya
- Amurka
- Uruguay
- Vanuatu
- Vatican City
- Venezuela
Kasashen da ke bukatar biza zuwa Jamus
A gefe guda kuma, Jamus ta ce 'yan kasashe da yankuna 102 na fadin duniya na bukatar biza kafin su shiga kasarta.
Source: Twitter
Najeriya na cikin jerin kasashen nan tare da Afghanistan, Algeria, Angola, Bangladesh, China, Ghana, India, Pakistan, Saudi Arabia, Afirka ta Kudu, Sudan, Turkiyya, Vietnam, Yemen, Zambia, Zimbabwe da sauran kasashe.
Saboda haka, 'yan Najeriya da ke son zuwa Jamus, ko don yawon bude ido, ziyarar iyali ko wata tafiya ta gajeren lokaci, har yanzu dole ne su fara neman biza kafin su tashi zuwa kasar.
Iran ta ba Trump kunya - Jamus
A baya, mun kawo labarin cewa shugaban gwamnatin Jamus, Friedrich Merz ya yi maganganu game da yakin da aa shafe tsawon lokaci ana fafata shi a tsakanin Iran da Amurka da sra'ila da suka hade kai.
A bayanin da ya yi, Friedrich Merz ya bayyana cewa shugabannin Iran da sojojinta sun ba Amurka kunya, yana cewa Donald Trump ya rasa mafita duk da kalaman da ya rika yi ana tsaka da musayar wuta.
Shugaban gwamnatin Jamus ya ce alamu sun nuna cewa Amurka ba ta da ingantaccen tsari game da yakin, tare da tambayar irin hanyar fita daga rikicin da take da shi bayan ta yi zurfi a cikin lamarin.
Asali: Legit.ng
