Babban Malamin Addini Ya Ayyana Tsayawa Takarar Shugaban Ƙasa, Zai Kara da Tinubu

• Wani bidiyo ya nuna malamin coci, Odumeje ‘Indaboski’ yana bayyana kudurinsa na tsayawa takarar shugabancin Najeriya a 2027
• A yayin wata huduba mai zafi da ya gabatar ga mabiyansa, Fasto Odumeje ya bayyana cewa Najeriya na bukatar shugaba mai jini a jika
• Bidiyon da ke nuna lokacin da Fasto Odumeje ya nuna sha'awar tsayawa takara ya yadu sosai, ya haifar da cece-kuce a tsakanin jama’a

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Malamin addinin Kirista a Najeriya, Chukwuemeka Cyril Ohanaemere da aka fi sani da Odumeje ko Indasbosky ya nuna sha'awar tsayawa takarar shugaban kasa a 2027.

Odumeje, wanda ya assasa Cocin Mountain of Holy Ghost Intervention da Deliverance Ministry ya bayyana aniyarsa a fili ne a yayin da yake wa'azi ga mabiyansa.

Fasto Odumeje zai fito takarar shugaban kasa

Kara karanta wannan

Sarki Sanusi II ya karbi bakuncin kungiyar 'Obedient' a Kano, ya ba su shawarwari

Legit Hausa, ta ci karo da bidiyon babban malamin a shafin The Nation na X, inda malamin ke nuna shirinsa na jagorantar Najeriya a 2027.

Malamin addinin Kiristan wanda ya saba fadin maganganun da ke jawo ce-ce-ku-ce, ya bayyana cewa Najeriya na bukatar matashi mai jini a jika.

Baya ga matashi mai jini a jika, Chukwuemeka Cyril Ohanaemere ya kuma ce kasar tana bukatar matashin da ya san kan fasahohin zamani.

"Najeriya na bukatar matashi" - Fasto Odumeje

Da yake jawabi ga mabiyansa a cikin bidiyon, an ji Fasto Odumeje ya na cewa:

"Muna bukatar matashi a shugabancin kasar nan, kuma ina tunanin zan fito takarar shugaban kasar.

"Muna bukatar matashi mai jini a jika a matsayin shugaban kasar nan. Shugaban da ya san kan fasahohin zamani, ba wai irin tsofaffin nan ba."

A yayin da yake bayyana wannan kuduri nasa, an ji mabiyan nasa suna shewa, alamar karfafa masa gwiwa kan shirin da ya sanya a gabansa.

Kara karanta wannan

Najeriya ta sake yin babban rashi, tsohon minista ya riga mu gidan gaskiya

Malamin ya karfafi mabiyansa kan shirin takararsa

Fasto Odumeje wanda ya shahara saboda salon wa'azinsa da ya sha bamban da na sauran fastoci, ya tambayi mabiyansa ko sun shirya ganinsa a matsayin shugaban kasa na gaba.

"Kun shirya na fito? Kun shirya na zama shugaban kasa,"

- Odumeje ya tambayi mabiyan nasa.

Ya kara da cewa,

"Saboda ni na san abin da kuke da bukata. Don haka kowa ya ce Amin."

Sai dai kuma, babban malamin addinin Kiristan bai wani yi bayani game da shirinsa na shiga wata jam'iyyar siyasa ko kuma tsarin yakin neman zabensa ba.

Kalli bidiyo da ra'ayoyin mutane game da ra'ayin malamin addinin na zaman shugaban kasar Najeriya na gaba, a nan kasa:

Minista ya nuna sha'awar tsayawa takarar gwamna

A wani labarin, mun ruwaito cewa, ministan lafiya a gwamnatin shugaba Bola Tinubu, Farfesa Ali Pate ya nuna sha'awar tsayawa takarar gwamnan jihar Bauchi a 2027.

Kara karanta wannan

Ana zargin an lakadawa hadimin tsohon gwamna duka kan sukar sanatan Jigawa

Pate, ya bayyana cewa yana da duk wata cancanta da ake bukata ta shugabanci don haka zai jaraba sa'arsa idan har wakilan jam'iyyar APC sun ba shi goyon baya.

Muhammad Malumfashi, babban edita a sashen Hausa na Legit ya duba labarin.

Wanda ya tantance Muhammad Malumfashi, babban edita a Legit.ng.

Asali: Legit.ng