Kakakin Majalisar PDP a Arewa Ya Shiga Matsala Bayan APC Ta Masa Barazana Kan Wani Dalili
- Jam'iyyar APC ta yi barazanar maka kakakin Majalisar jihar Plateau a kotu kan kin rantsar da mambobinta
- Jam'iyyar ta ce za ta dauki mataki kan kakakin Majalisar, Hon. Gabriel Dewan kan biris da rantsarwar da 'yan Majalisu 16
- Wannan na zuwa ne bayan Kotun Daukaka Kara ta rusa zaben mambobin PDP tare da bai wa mambobin APC
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne a bangaren siyasa, kasuwanci da al'amuran yau da kullum ne, ya na da gogewar aikin jarida sama da shekaru uku.
Jihar Plateau - Jamiyyar APC a jihar Plateau ta yi barazanar zuwa kotu kan kakakin Majalisar jihar saboda kin rantsar da mambobin Majalisar.
Jam'iyyar ta ce za ta dauki mataki kan kakakin Majalisar, Hon. Gabriel Dewan kan biris da rantsarwar da 'yan Majalisu 16 a Majalisar.
Asali: UGC
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Menene matakin da APC ke son dauka?
'Yan majalisun 16 sun samu nasara ne bayan Kotun Daukaka Kara ta rusa zaben mambobin jam'iyyar PDP, cewar Tribune.
Idan ba manta ba, a ranar Litinin 26 ga watan Faburairu kotu ta yi fatali da korafin jam'iyyar PDP inda suke kalubalantar hukuncin kotun.
Mambobin jam'iyyar PDP su na kalubalantar hukuncin ne bayan Kotun Koli ta tabbatar da zaben Gwamna Caleb wanda suke jam'iyya daya.
Shugaban jam'iyyar APC, Hon. Rufus Bature ya nuna damuwa kan matakin na kakakin Majalisar inda ya ce ya raina hukuncin kotu ne.
Martanin jam'iyyar APC kan lamarin
Bature ya bukaci Dewan ya yi gaggawar rantsar da mambobin ko ya fuskanci shari'a, cewar Daily Trust.
A cewarsa:
"Ba za mu tilasta Dewan rantsar da mambobin ba, za mu ba shi lokaci mu gani ko zai yi hakan.
"Tabbas za mu yi wani abu a kai, akwai hanyoyin shari'ar da za mu bi idan hakan ya zama dole.
"Ya kamata tun farko ace ya yi hakan, mutanen da suke ƙirƙirar doka amma su ne ke jawo cikas basu son bin doka."
Gwamna Caleb ya dawo da ma'aikata aikinsu
Kun ji cewa gwamnan jihar Plateau, Mutfwang Caleb ya yi abin a yaba bayan dawo da ma'aikata bakin aiki.
Ma'aikatan an dakatar da su ne saboda yadda gwamnatin baya ta dauke su ba bisa ka'ida ba.
Asali: Legit.ng
