Sarkin Katsina Ya Fita Daban, Ya Faɗa wa Tawagar Tinubu Gaskiya Ido da Ido

• Sarkin Katsina, Alhaji Abdulmumini Kabir Usman, ya gargadi Yari, Radda da sauran ’yan siyasa kan fifita zaɓe maimakon tsaro da walwalar al’umma
• Sarkin ya bayyana cewa ’yan bindiga sun hana manoma zuwa gonakinsu a ƙananan hukumomi 12, yayin da aka rufe makarantu saboda matsalar tsaro
• Sarkin ya buƙaci shugabannin siyasa su farfaɗo da masana’antu da tattalin arzikin Arewa, yana mai cewa rabon kuɗi da abinci ba zai tabbatar da nasara ba

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Katsina - Sarkin Katsina, Alhaji Dakta Abdulmumini Kabir Usman, ya ƙalubalanci Darakta Janar na yaƙin neman zaɓen Shugaba Bola Tinubu, Sanata Abdulaziz Yari da Gwamna Dikko Umaru Radda a fadarsa.

Ya bukaci su fifita matsalar tsaro da wahalhalun tattalin arziki maimakon burin siyasa gabanin zaɓen 2027.

Kara karanta wannan

Manyan mataki 2 da suka hargitsa yan Najeriya da Tinubu ke ikirarin gyara ne

Sarkin ya yi wannan furuci ne yayin ziyarar wata tawagar shugabannin siyasa ƙarƙashin jagorancin Sanata Yari, tsohon gwamnan Zamfara, kamar yadda wani bidiyo da ya yaɗu a kafafen sada zumunta ya nuna, cewar Leadership.

Tawagar tallar Tinubu sun je fadar Katsina

Tawagar, wadda ta ƙunshi Gwamna Radda, tsohon Gwamna Aminu Bello Masari da sauran tsofaffin gwamnoni da masu ruwa da tsaki a siyasa, ta ziyarci Sarkin Daura kafin ta bar jihar Katsina.

A cikin bidiyon da Nasir El-Rufai ya daura, Sarkin ya nuna rashin jin daɗinsa ga ’yan siyasar da ke neman goyon baya da addu’o’in sarakunan gargajiya lokacin yaƙin neman zaɓe, amma su yi watsi da al’umma bayan samun muƙaman siyasa.

Ya soki abin da ya bayyana a matsayin yaɗuwar son kai a siyasar Najeriya, yana mai cewa shugabannin siyasa sun fi mayar da hankali kan muradunsu maimakon jin daɗin al’ummar da suka zaɓe su.

Kara karanta wannan

Gwamnatin Tinubu ta ɗauko hanyar gyara, za a samu rangwamen tsadar rayuwar kwana 90

An ruwaito Sarkin yana cewa:

"Kowace shekara huɗu kuna zuwa fadana da hula a hannu, kuna neman addu’a da goyon baya. Bayan zaɓe, sai ku ɓace zuwa Abuja da Legas. Ba za ku dawo ba sai lokacin zaɓe na gaba.”

Ya tambayi ko ’yan siyasa na ɗaukar fadojin sarakunan gargajiya a matsayin wuraren tattaunawa ta gaskiya da jama’a ne, ko kuma kawai wuraren da suke zuwa neman goyon bayan zaɓe.

Furucin Sarkin ya kuma shafi rikice-rikicen siyasa da ke tsakanin ’yan jam’iyyar APC a jihar Katsina, yayin da ’yan siyasa ke shirin zaɓen 2027.

An ruwaito cewa ya nuna damuwa kan yadda ’yan siyasa suka shagaltu da neman muƙaman yaƙin neman zaɓe da fafatawar siyasa a jihar, alhali mazauna yankin na ci gaba da fuskantar barazanar rashin tsaro.

Sarkin ya tambayi dalilin bin muradun siyasa alhali al’ummomin yankunan da ke fama da hare-hare na ci gaba da kasancewa cikin haɗarin farmakin ƙungiyoyin masu ɗauke da makamai.

Kara karanta wannan

Sanata Yari ya fadi dalilin da ya sa tawagar kamfen din Tinubu ke ziyartar sarakuna

Kalaman nasa sun nuna bambanci tsakanin harkokin siyasar da suka dabaibaye zaɓen 2027 da matsalolin gaggawa da mazauna yankin ke fuskanta, ciki har da rashin tsaro da matsin tattalin arziki.

Yadda Sarkin Katsina ya tuhumi gwamnatin Tinubu

Haka kuma, Sarkin ya soki tazarar da ke tsakanin alkawuran gwamnati da halin tattalin arzikin da talakawa ke ciki, musamman tsadar rayuwa da wahalar da iyalai ke sha wajen samun muhimman kayayyakin buƙata.

Basaraken ya bayyana cewa siyasa ya kamata ta mayar da hankali kan ci gaban al’umma da hidimar jama’a, maimakon muradun ’yan siyasa da iyalansu da kuma abokan hulɗarsu.

Ya gargaɗi shugabannin da suka yi watsi da buƙatun talakawa cewa za su iya rasa goyon bayansu a lokacin kaɗa ƙuri’a.

Sarkin ya kuma jawo hankali kan illolin rashin tsaro a jihar Katsina, waɗanda suka haɗa da kawo cikas ga ilimi, noma da sauran harkokin tattalin arziki.

Jami'an tsaro na gadin allunan Tinubu

Kun ji cewa an tura jami’an tsaro domin kare fastoci da allunan tallata Shugaba Bola Tinubu a Kaduna gabanin ziyararsa da ake sa ran yi ranar Asabar.

Kara karanta wannan

Gwamna Radda ya kawo dalilin da ya sa 'yan Katsina za su hada kai su zabi Tinubu

An shirya ƙaddamar da yaƙin neman zaɓen shugaban ƙasa na APC na 2027 a filin wasa na Kaduna Township Stadium.

An gyara filin wasan mai ɗaukar mutum 8,000, inda aka yi masa fenti tare da ƙawata shi da tutocin APC da fastocin Tinubu da sauran ’yan siyasa.

Asali: Legit.ng