Kurunkus: An Fitar da Cikakken Jerin Sunayen Matasa 37 da Suka Mutu a Hannun NSCDC

• An bayyana sunayen matasa 37 da suka rasa rayukansu a dakin ajiyar masu laifi na hukumar tsaro ta NSCDC da ke jihar Neja
• Wannan na zuwa ne bayan gwamnatin tarayya ta dauki matakin bincike don gano abin da ya faru wanda ya kai ga mutuwar matasa fiye da 30
• Hukumar NSCDC ta kama wadannan matasa ne bisa zargin hakar ma'adanai ba bisa ka'ida ba a jihar Neja da ke Arewa ta Tsakiya

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Niger, Nigeria - A makon da ya gabata ne hukumar tsaron fararen hula ta NSCDC ta tabbatar da mutuwar wasu matasa 37 da ta kama bisa zargin hakar ma'adanai ba bisa ka'ida ba a jihar Neja.

Lamarin da ja hankalin mutane daga sassa daban-daban a Najeriya, inda wasu ke zargin akwai sakacin jami'an tsaron gwamnatin Najeriya a mutuwar wadannan matasa.

Kara karanta wannan

Ba za a yi haka ba: Kungiya ta yi martani kan kiran a kori shugaban NSCDC kan mutuwar matasa a Neja

Wasu matakan da aka dauka

Jaridar Vanguard ta ruwaito cewa gwamnatin tarayya ta dauki matakai domin gano duk mai hannu a lamarin, ciki har da dakatar da kwamandan NSCDC na Neja da kafa kwamitin bincike.

Haka zalika an dakatar da jami'an NSCDC da dama duk a wani mataki na tabbatar da an gudanar da bincike cikin gaskiya kuma a bayyane,

Yayin da ake dakon sakamakon bincike, an fitar da sunayen mutane 37 da ake zargin masu hakar ma’adinai ba bisa ka’ida ba ne, wadanda suka mutu a hannun jami’an NSCDC a jihar Neja.

A halin da ake ciki, NSCDC ta kama tare da gabatar da jami’ai 24, ciki har da Kwamandan rundunar jihar Neja, Subaru Siyaka Aniviye, dangane da mutuwar masu hakar ma’adinan.

Sunayen wadanda suka mutu

Sunayen matasan da suka rasa ransu a dakin ajiyar wadanda ake zargi na NSCDC sun hada da:

1. Ibrahim Sani
2. Fahad Sa’adu
3. Abdulsalam Ismail
4. Usman Aliyu
5. Abubakar Alhaji
6. Sani Nasir
7. Sanusi Khalid
8. Ahmad Aliyu
9. Safiyanu Abdullahi
10. Suleiman Dantala
11. Idris Haruna
12. Sani Yakubu
13. Safiyanu Abubakar
14. Abdullahi Abubakar
15. Abubakar Musa
16. Abdul Mudassir
17. Suleiman Lawal
18. Usman Abdullahi
19. Samuel Sambo
20. Ibrahim Musa
21. Yusuf Nasiru
22. Umar Lawal
23. Isyaku Amisu
24. Bissallah Adamu
25. Abdulbari Suleiman
26. Shafisu Lado
27. Usman Ahmad
28. Usman Ibrahim
29. Sani Isyaku
30. Musa Ibrahim
31. Idris Bashir
32. Kabiru Suleiman
33. Emmanuel Emeka
34. Mu’awiya AbdulKarim
35. Abdul Gafar Abubakar
36. Usman Haruna
37. Aro Salihu Soba

Kara karanta wannan

Kasar Saudiyya ta kama baƙin haure 14,782 cikin mako guda

An bayyana cewa Mu’awiya AbdulKarim, Abdul Gafar Abubakar, Usman Haruna da Aro Salihu Soba ba su cikin jerin sunayen da babban asibitin ya fitar.

Matakin da Tinubu ya dauka

A wani kabarin, kun ji cewa Bola Ahmed Tinubu ya bada umarnin gudanar da bincike na gaskiya kan mutuwar mutanen da ake zargi da haƙar ma’adinai ba bisa ƙa’ida ba a hannun NSCDC.

Tinubu ya nuna matuƙar damuwa kan rahoton mutuwar mutanen, yana mai bayyana lamarin a matsayin babban batu da ke buƙatar bincike cikin gaggawa da ɗora alhakin da ya dace.

Shugaban kasar ya kuma ce bai kamata wani ɗan ƙasa ya rasa ransa yana hannun gwamnati saboda sakaci, cin zarafi, rashin tausayi ko gazawar jami’i wajen sauke nauyin da ke kansa ba.

Asali: Legit.ng