Amokri Ya Fitar da Takardar da Amurka Ta Yi Bayani game da Tinubu

• Reno Omokri ya musanta rahotannin cewa Hukumar Binciken Laifuffuka ta Amurka, FBI, ta fitar da bayanan laifi da suka shafi shugaba Bola Ahmed Tinubu
• Omokri ya ce duk da cewa bayanan FBI na iya ɗauke da sunan Tinubu, hakan ba yana nufin cewa bayanan laifi ne ba, domin tana adana bayanan mutane
• Ya ce binciken da ya gudanar a Chicago a 2022 da kuma wata wasika da Ofishin Jakadancin Amurka sun nuna cewa babu wani laifi da Tinubu ya yi

Editan Legit Hausa Ibrahim Yusuf Kari yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

FCT, Abuja – Reno Omokri ya yi martani kan rahotannin da ke cewa Hukumar Binciken Laifuffuka ta Tarayya ta Amurka (FBI) ta fitar da wasu “bayanan laifi” da suka shafi shugaban Najeriya, Bola Ahmed Tinubu.

Kara karanta wannan

An jero wa gwamnan Filato tambayoyi da ya ce akwai Hisbah a jihar

Omokri ya ce rahotannin ba gaskiya ba ne, yana mai cewa akwai bambanci tsakanin bayanan da FBI ke adanawa da kuma bayanan aikata laifi.

Omokri ya wallafa a Facebook cewa ya je Chicago, Illinois, a watan Satumba na 2022 domin bincikar wasu zarge-zarge da suka shafi bayanan Tinubu, inda ya ce bincikensa ya nuna cewa zargin ba shi da tushe.

Omokri ya wanke Tinubu

A cikin wata sanarwa, Omokri ya ce Tinubu ba shi da wani bayanan aikata laifi a Amurka, Najeriya ko wani wuri, kuma FBI ba ta bai wa wani mutum bayanan laifuka da suka shafi shugaban saboda babu irin waɗannan bayanan.

Ya ce:

“Shugaba Bola Tinubu ba shi da wani bayanan laifi a Amurka, Najeriya ko wani wuri, kuma FBI ba ta bai wa kowa wani bayanan laifi da suka shafi shugaban saboda babu su.

“Eh, bayanan FBI na iya ɗauke da sunansa, amma ba bayanan laifuffuka ba ne.”

Omokri ya fadi irin bayanan FBI

Omokri ya ce FBI tana adana biliyoyin bayanai da ba su da alaƙa da aikata laifi game da 'yan Amurka, mazauna ƙasar da kuma 'yan ƙasashen waje.

Kara karanta wannan

'Akwai gagarumar matsala': Malamin addini ya bukaci Tinubu ya hakura da takara

Ya ce irin waɗannan bayanai na iya samuwa ne ta tsarin adana bayanan FBI da kuma tsarin gano abubuwan da suka shafi jama'a.

Ya yi misali da masu neman bizar Amurka, inda ya ce FBI na gudanar da binciken bayanan masu neman biza a madadin Ma'aikatar Harkokin Wajen Amurka da Ma'aikatar Tsaron Cikin Gida.

Ya ce binciken yana a cikin bayanan FBI na iya fitar da shafuka masu yawa na bayanai, amma hakan ba yana nufin mutum yana da tarihin aikata laifi ba.

Wasikar Amurka kan Tinubu

Omokri ya ce game da batun bayanan laifi na musamman, ya kamata 'yan Najeriya su sani cewa FBI ta taɓa bayyana cewa ba ta da bayanan laifi da suka shafi Tinubu.

Ya ce hakan ya faru tun ranar 3 ga Fabrairu, 2003, lokacin da Tinubu yake gwamnan Legas kuma yake cikin rikicin siyasa da gwamnatin tarayya ta wancan lokacin.

A cewarsa, tsohon Sufeto Janar na 'Yan Sanda, Tafa Balogun, ya rubuta wa Ofishin Jakadancin Amurka domin neman bayani kan ko akwai wani bayanan laifi na FBI da ya shafi Tinubu.

Kara karanta wannan

Zargin safarar kwaya: Tinubu ya kawo dalilai 4 ga kotun Amurka kan sakin sirrinsa

Omokri ya ce Ofishin Jakadancin Amurka ya mayar da martani washegari, inda ya bayar da tabbacin cewa babu wani bayanan laifi da ya shafi Tinubu.

Atiku ya soki hutun Tinubu

A wani labarin, mun ruwaito cewa tsohon Mataimakin Shugaban Ƙasa kuma ɗan takarar shugaban ƙasa na ADC, Atiku Abubakar, ya soki tafiyar Shugaba Bola Tinubu zuwa Turai domin hutun mako uku.

Atiku ya ce lokacin tafiyar ya nuna abin da ya kira “gibin shugabanci na siyasa” a daidai lokacin da 'yan Najeriya ke fama da tsadar man fetur, kayan abinci da matsalar tsaro.

Shugaba Tinubu ya bar Abuja ranar Lahadi zuwa Turai domin hutun shekara-shekara na makonni uku, inda Landan ta kasance farkon inda zai sauka.

Asali: Legit.ng