Trump Ya Nemi Bata Musulunci a Faransa, Kasar Ta Yi Masa Raddi Mai Zafi

• Ministan Harkokin Wajen Faransa, Jean-Noel Barrot, ya mayar wa Shugaban Amurka Donald Trump martani bayan ya danganta zanga-zangar ɗalibai da Musulunci
• Barrot ya ce dole Faransa ta rubuta labarinta da kanta maimakon barin wasu su fassara abubuwan da ke faruwa a ƙasar yadda suka ga dama
• Hukumomin Faransa sun ce an kama mutum 488 yayin zanga-zangar, yayin da jami’an tsaro 43 suka jikkata, a cewar bayanan da aka bayar

Editan Legit Hausa Ibrahim Yusuf Kari yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

France – Ministan Harkokin Wajen Faransa, Jean-Noel Barrot, ya mayar wa Shugaban Amurka Donald Trump martani kan kalaman da ya yi game da zanga-zangar ɗaliban makarantun sakandare da ke gudana a Faransa.

Barrot ya ce Faransa ba za ta bari wasu ƙasashe ko mutane su riƙa fassara abubuwan da ke faruwa a cikinta yadda suka ga dama ba.

Kara karanta wannan

Kasurgumin dan bindiga da yaransa 6 sun hadu da abin da ya fi ƙarfinsu, sun mutu nan take

Anadolu ta ruwaito ministan yana cewa:

“Idan ba mu rubuta labarinmu da kanmu ba, wasu za su rubuta mana shi.”

Ya kuma yi gargaɗi kan barin Faransa ta dogara da labaran da wasu ke ƙirƙira game da ita.

Me Trump ya fada kan Musulunci?

Martanin Barrot ya biyo bayan wani saƙon Trump da ya wallafa, inda ya danganta zanga-zangar da abin da ya kira shige da fice mai yawa ba tare da kulawa ba da kuma Musulunci.

Politico ta rahoto cewa Trump ya ce zanga-zangar ba ta shafi makarantu ba, yana mai zargin cewa Musulunci na son karɓe iko a ƙasar Faransa.

Sai dai zanga-zangar ta samo asali ne daga ƙorafe-ƙorafen ɗalibai da malamai kan tabarbarewar gine-ginen makarantu, ƙarancin malamai, cunkoson ɗalibai a ajujuwa da kuma ƙarancin kuɗin gudanar da harkokin ilimi.

Barrot ya ce abokan hamayyar Faransa, maƙiyanta da ma abokan hulɗarta na ƙoƙarin fassara zanga-zangar ta hanyoyi daban-daban.

Kara karanta wannan

Bayan hadarin Ondo, jirgin sojin Najeriya ya sake samun matsala a sama

An kama mutum 488 a zanga-zangar

Zanga-zangar ta bazu zuwa sassa daban-daban na Faransa, inda aka samu rahotannin arangama a wasu birane.

Ma’aikatar Harkokin Cikin Gida ta Faransa ta bayyana cewa an kama mutum 488 a ranar Talata dangane da zanga-zangar, yayin da jami’an tsaro 43 suka jikkata.

Masu shirya zanga-zangar sun ce kusan mutum 450,000 ne suka shiga zanga-zangar, wadda suka bayyana a matsayin ɗaya daga cikin manyan gangamin ɗalibai da aka gudanar a Faransa cikin shekaru da dama.

An lalata jiragen Amurka

A wani labarin, kun ji cewa wani rahoto na Majalisar Bincike ta Majalisar Dokokin Amurka ya ce jiragen saman sojin Amurka 81 sun lalace ko kuma sun lalace gaba ɗaya yayin yaƙin da aka ƙaddamar kan Iran.

Rahoton ya kiyasta cewa asarar jiragen ta kai darajar dala biliyan 3.3, yayin da kuɗin da Amurka ta kashe kan yaƙin suka kai tsakanin dala biliyan 33.4 da biliyan 45.

A gefe guda, Trump ya ce wakilin Amurka a Gabas ta Tsakiya, Steve Witkoff, na samun ci gaba a tattaunawar da ake yi da Tehran, duk da cewa ya nuna shakku kan ko zai amince da yarjejeniya.

Asali: Legit.ng