Kasar Musulunci Ta Iran Ta Sake Jawo Wa Amurka Babbar Asara, Ta Harbo Jiragen MQ 1
- Dakarun Sojojin Iran sun harbo aƙalla jiragen sama marasa matuƙi na Amurka kirar MQ-1 guda biyu a ’yan kwanakin nan
- Jiragen Predator da Gray Eagle na daga cikin nau’ikan MQ-1 da sojojin Amurka ke amfani da su wajen sa ido, kuma suna iya ɗaukar makamai masu linzami
- Rahoton ya ce aƙalla jiragen MQ-9 Reaper 24 sun lalace tun bayan fara yaƙin da Iran, yayin da jirgin MQ-4C Triton kuma ya lalace
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
Iran - Sojojin kasar Musulunci ta Iran sun harbo aƙalla jiragen sama marasa matuƙi na Amurka MQ-1 guda biyu a ’yan kwanakin nan.
Sojojin Amurka sun yi amfani da nau’ikan MQ-1 guda biyu: Predator, wanda aka yi amfani da shi a yakin Iraki da Afghanistan; da Gray Eagle, wanda ya fi girman Predator kuma aka samar da shi daga asalin Predator.
Kara karanta wannan
Yan bindiga sun mamaye gidan kwamishina, sun bude wuta ba tare da nuna tausayi ba
Source: Getty Images
Rahoton CBS News ya tabbatar da cewa a yan kwanakin nan, kasar Musulunci ta Iran ta kakkabi irin wadannan jirage guda biyu a yakin da take yi da Amurka.
An ƙera jiragen biyu ne domin ayyukan sa ido, amma kuma suna iya ɗaukar makamai masu linzami na Hellfire.
Idan jiragen da aka harbo tsofaffin Predator ne, asarar jirage biyu za ta kai kusan dala miliyan 8. Sai dai jiragen Gray Eagle sun fi tsada, inda farashinsu zai iya kaiwa dubban miliyoyin daloli gwargwadon nau’in jirgin.
Asarar jiragen MQ-9 na Amurka
Aƙalla jiragen MQ-9 Reaper 24 sun ɓace tun bayan fara yaƙin Amurka da Iran, lamarin da ya jawo asarar kusan dala miliyan 720, a cewar wani rahoton Ofishin Kasafin Kuɗi na Majalisar Dokokin Amurka da aka fitar a wannan makon.
Rahoton ya kuma ce an lalata wani jirgin sama marar matuƙi na ruwa mai suna MQ-4C Triton, wanda aka kiyasta asararsa da kusan dala miliyan 150.
Amurka ta kakaba takunkumi
Tashar Al-Jazeera ta ruwaito cewa wannan na zuwa ne yayin da Amurka ke ci gaba da kakaba wa kasar Iran takunkumin tattalin arziki, a wani bangare na tilasta mata mika wuya.
Ofishin Kula da Dukiyoyin Ƙasashen Waje na Ma’aikatar Baitulmalin Amurka (OFAC) ya sanya wani kamfanin Iran mai harkar kadarorin ta intanet, BitBank, cikin jerin wadanda aka haramta hulɗa da su.
Source: Getty Images
Matakin ya kuma shafi kamfanin da ke samar da BitBank, Pishtaz Simorgh Electronic Trade Company, da wasu mutane uku da ke da alaƙa da ɗan kasuwar kuɗin Iran, Babak Zanjani.
Mutanen ukun su ne Hossein Ali Zaker Hossein, Mohammad Mahdi Zaker Hossein da Seyed Adel Heidari.
Trump ya yi maganar sulhu da Iran
A wani labarin, kun ji cewa Shugaba Donald Trump ya yi hasashen cewa yaƙin da ake yi tsakanin Amurka da Iran zai ƙare nan take bayan zaɓen tsakiyar wa’adi da za a yi a watan Nuwamba.
Trump ya ce kasar Iran ba za ta iya jure matsin tattalin arzikin da Amurka ke yi mata na dogon lokaci ba, yana mai cewa nan ba da dadewa ba yakin zai zo karshe.
Asali: Legit.ng
