Yawan Surutun Shugaban Amurka, Trump Ya Jawo Masa Martani Mai Zafi daga Kasar Iran
- Yawan maganganun da Shugaban Amurka, Donald Trump ke fitowa yana yi sun fara jan hankalin gwamnatin kasar Musulunci ta Iran
- Mataimakin ministan harkokin wajen Iran, Saeed Khatibzadeh ya nuna damuwa kan kalaman Trump, yana mai cewa ya cika surutu barkatai
- Ya kuma nanata matsayar Iran cewa ba ta kaunar yaki, amma a shirye take ta kare kanta ko da kuwa za a kashe sojojinta gaba daya
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
Iran - Kasar Musulunci ta Iran ta fara nuna damuwa kan yawan surutu barkatai da Shugaban Amurka, Donald Trump ke fitowa yana yi kan rikicin Gabas ta Tsakiya.
Ana yawan samun sabani da maganganu masu cin karo da juna daga Shugaba Trump, musamman bayan fara tattaunawar sulhu tsakanin kasasshen Amurka da Iran.
Source: Getty Images
Kasar Iran ta soki Shugaba Donald Trump
Tashar Al-Jazeera ta ruwaito cewa gwamnatin Iran ta caccaki Shugaba Trump kan yawan magana, tana mi cewa ya cika surutu mara amfani.
Mataimakin ministan harkokin wajen Iran, Saeed Khatibzadeh, ne ya fito ya soki kalaman Shugaban Amurka Donald Trump na baya-bayan nan kamar batun sinadrin uranium da mashigar ruw at hormuz.
Ya bayyana cewa shugaban na kasar Amurka na “yawan magana” tare da furta maganganu masu rikitarwa.
Khatibzadeh ya bayyana hakan ne yayin da yake ganawa da manema labarai a gefen taron diflomasiyya na Antalya da aka gudanar a ƙasar Turkiyya.
Iran ta kira Trump da mai yawan surutu
Da aka tambaye shi kan kalaman Trump na baya-bayan nan, inda ya yi barazanar cewa Amurka za ta “ci gaba da jefa bama-bamai” idan ba a cimma yarjejeniya da Iran ba zuwa ranar Laraba, jami’in na Iran ya ce kalaman sun ci karo da juna.
Trump dai ya yi ikirarin cewa Amurka za ta iya ci gaba da kai hare-hare Iran, amma awanni kadan kafin furta wadannan kalamai, an ji shi yana cewa saura kiris su cimma yarjejeniyar sulhu.
Da yake tsokaci kan hakan, mataimakin ministan wajen Iran, Khatibzadeh ya ce:
“Ya faɗi abubuwa masu karo da juna a cikin magana guda. Ban san ainihin abin da yake nufi ba."
Source: Getty Images
Ya ƙara da cewa Iran na ganin yaƙi ba zai haifar da wani sakamako mai kyau ba, amma ƙasar a shirye take ta kare kanta idan aka kai mata hari, kamar yadda NBC News ta kawo.
“Za mu ci gaba da yaƙi har zuwa sojan Iran na ƙarshe idan da bukatar hakan,” in ji shi.
Iran ta musanta ikirarin Shugaba Trump
A wani rahoton, kun ji cewa kasar Iran ta musanta ikirarin cewa ta yarda za ta kwashe gaba daya sindarin Uranium ta mika wa Amurka a wani bangaren na yarjejeniyar sulhu.
Hakan na zuwa ne bayan Shugaba Donald Trump ya fito ya yi ikirarin cewa Iran ta amince za ta dakatar da duk wani shirinta na nukiliya tare da mika sinadarin Uranium ga Amurka.
Iran ta karyata hakan ta hannun Ma'aikatar harkokin wajen kasar, inda ta ce ba za ta bai wa kowace kasa sindarin, wanda ake hada nukiliya da shi ba.
Wanda ya tantance Muhammad Malumfashi, babban edita a Legit.ng.
Asali: Legit.ng
