INEC Ta Cire Sunan Aminu Gwarzo daga Jerin Yan Takarar Gwamnan Jihar Kano a 2027

• Hukumar INEC ta cire sunan ɗan takarar gwamnan Kano na jam’iyyar NDC, Comr. Aminu Abdussalam Gwarzo, daga jerin sunayen ’yan takarar da ta fitar na karshe
• Jerin sunayen da hukumar INEC ta fitar ranar Asabar, 10 ga Oktoba, 2026, ya ƙunshi ’yan takara 17ciki har da Gwamna Abba Kabir Yusuf
• Dan tsohon shugaban kasa na mulkin soja, Abacha Muhammed Sani ne aka saka a jerin a matsayin ɗan takarar gwamnan Kano na jam’iyyar PDP

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Kano, Nigeria - Hukumar Zaɓe Mai Zaman Kanta ta Ƙasa (INEC) ta fitar da sunayen yan takarar gwamnan jihar Kano na karshe da za su kece raini a babban zaben 2027.

INEC ta cire sunan ɗan takarar gwamnan Jihar Kano na jam’iyyar NDC, Kwamared Aminu Abdussalam Gwarzo, daga cikin jerin sunayen ’yan takarar gwamnan jihar guda 17 da ta fitar.

Kara karanta wannan

INEC ta cire sunan Sheikh Pantami daga jerin sunayen 'yan takarar gwamna a Gombe

INEC ta cire sunan Aminu Gwarzo

Legit Hausa ta fahimci babu sunan Gwarzo ne a sunayen da INEC ta wallafa a shafinta na yanar gizo ranar Asabar, 10 ga watan Oktoba, 2026.

Kwamared Aminu Gwarzo, tsohon mataimakin gwamnan Kano shi me dan takarar da ke tare da jagoran Kwankwasiyya kuma dan takarar mataimakin shugaban kasa na NDC, Sanata Rabiu Musa Kwankwaso.

Jerin sunayen yan takarar gwamnan Kano ya ƙunshi Gashash Mukhtar na jam’iyyar AP, Haruna Abdullahi na AA, Sharif Abba na AAC, Ibrahim Ali Amin na ADC da Muhammad Abdullahi na ADP.

Sunan Gwamna Abba ya fito

Sauran ’yan takarar sun haɗa da Yusuf Abba Kabir na APC, Tijjani Sukairaju Tijjani na APGA, Muhammad Bashir Galadanchi na APM, Tukur Aliyu Malam na APP, Ahmad Furera na BP da Bari Mustapha Bello na DLA.

Haka kuma, jerin ya ƙunshi Santuraki Hamisu na LP, Abdullahi Mustapha na NDP, Abacha Muhammed Sani na PDP, Koguna Nasiru Hassan na PRP, Hussaini Bello Ado na SDP da Nuhu Isa na ZLP.

Kara karanta wannan

Kansilar APC ta mutu a hannun yan bindiga mako 1 bayan sace ta

A cikin jerin sunayen da INEC ta fitar, ba a ga sunan Comr. Aminu Abdussalam Gwarzo ba, yayin da Abacha Muhammed Sani ya bayyana a matsayin ɗan takarar gwamnan Jihar Kano na jam’iyyar PDP.

Wannan mataki ya kara tabbatar da cewa akwai rikici a tafiyar Kwankwasiyya, wacce ke burin karbe mulkin jihar Kano daga gwamna Abba Kabir Yusuf, wanda ya koma APC.

Kwamared Aminu Gwarzo, tsohon gwamnan jihar Kano na cikin manyan jiga-jigan da suka bi Kwankwaso bayan Gwamna Abba ya balle daga jikin ubangidansa ma siyasa.

INEC ta cire sunan Pantami

A wani labarin kuma, kun ji cewa sunan tsohon Ministan Sadarwa, Farfesa Isa Ali Ibrahim Pantami, bai bayyana a jerin sunayen ƙarshe na ’yan takarar gwamnan Gombe ba.

Hukumar zabe mai zaman kanta ta kasa (INEC) ta fitar da jerin sunayen yan takarar gwamnan jihar Gombe na karshe a ranar Asabar, 10 ga Oktoba, 226 gabanin babban zaben 2027.

INEC ta fitar da jerin sunayen ne bisa alƙawarin da shugaban hukumar, Farfesa Joash Amupitan, ya yi a wani taron manema labarai da aka gudanar a Abuja a farkon makon nan.

Asali: Legit.ng