'Yan Arewa Sun Taso Ministan Buhari a gaba Ya Tsaya Takarar Shugaban Kasa a 2027

• Wata ƙungiya mai suna 'Young Nigerian Voices' ta bukaci tsohon minista, Emeka Nwajiuba ya tsaya takarar shugaban ƙasa a zaɓen shekarar 2027
• Shugaban ƙungiyar daga Arewa ta Tsakiya, Alhaji Aawul Mohammed Giri, ya ce Hon. Nwajiuba na da ƙwarewa da hangen nesa da zai mulki Najeriya
• Ƙungiyar ta ya ba da misalin rawar da Nwajiuba ya taka lokacin da ya kasance Ministan Ilimi, musamman wajen cigaban matasa da bangaren ilimi
• Wannan kira da aka sake yi masa a game da takarar shekarar 2027 na nuni da cewa ƙungiyar na son shugabancin kasa daga Kudu Maso Gabas

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

FCT, Abuja - Wata ƙungiyar siyasa mai suna 'Young Nigerian Voices' ta bukaci tsohon minista a gwamnatin Muhammadu Buhari ya fito takarar shugaban kasa.

Kara karanta wannan

Sarki Sanusi II ya karbi bakuncin kungiyar 'Obedient' a Kano, ya ba su shawarwari

Kungiyar ta roki Hon. Emeka Nwajiuba da ya tsaya takarar a zaɓen shekarar 2027 saboda kwarewarsa da hangen nesa.

An roki ministan Buhari ya fito takara

An bayyana wannan kira ne a cikin wata sanarwa da mataimakin shugaban kungiyar ta ƙasa daga Arewa ta Tsakiya, Alhaji Aawul Mohammed Giri, ya fitar, cewar Tribune.

A cewar Giri, wannan kira ya biyo bayan bajintar Emeka Nwajiuba wajen hidimar jama’a da kuma ƙwarewarsa wajen gyara kura-kuran gwamnati mai ci.

Sanarwar ta ce:

"Yayin da yake matsayin Ministan Ilimi, Hon. Nwajiuba ya nuna ƙwazo wajen cigaban matasa da fannin ilimi a Najeriya.

“Gwanintarsa da gogewarsa sun sa ya cancanci fuskantar ƙalubale da dama da ƙasar ke fuskanta, ciki har da matsalolin tattalin arziki, lafiya da ababen more rayuwa.”

“Kiranmu ba kawai mun yanke shawararmu ba ne, mun yi nazari sosai kafin yanke hukuncin goyon bayansa.

“Muna da yakinin cewa Hon. Nwajiuba na da jajircewa, gaskiya da hangen nesa da za su amfani Najeriya da al’umma."

Kara karanta wannan

Zargin Shugaban Majalisa da neman lalata da matar aure ya riƙide, an samu wasiƙa daga Kogi

Musabbabin kiran Nwajiuba tsayawa takara

Kungiyar ta ce wannan ba shi ne karon farko ba ta ke neman tsohon ministan ya tsaya takarar shugaban kasa ba saboda irin kwazo da yake da shi.

Ta ce har a zaben 2023 ma sai da ta yi wannan kira domin kwarewarsa a fannoni da dama musamman bangaren tattalin arziki.

“Ba wannan ne karon farko da muke nuna goyon baya ga Nwajiuba ba, a 2023 ma, mun bukaci a zabi shugaban ƙasa daga Kudu Maso Gabas.”

“Yayin da zaɓen shugaban ƙasa na 2027 ke karatowa, wannan goyon bayan da 'Young Nigerian Voices' ke bayarwa, na da muhimmanci matuƙa.”

“Yana nuna fatan samun shugaba mai haɗa kan al’umma, haɓaka tattalin arziki da samar da rayuwa mai kyau ga kowa, shin Nwajiuba zai karɓi wannan kira? Lokaci ne kawai zai bayyana hakan.

2027: Sanata Ningi zai nemi takarar gwamna

Kun ji cewa Sanata Ahmed Abdul Ningi ya bayyana niyyarsa ta tsayawa takarar gwamnan Bauchi a 2027 karkashin jam'iyyar PDP mai adawa a Najeriya.

Kara karanta wannan

Me ke faruwa da PDP? An rufe siyar da fom na takarar gwamna, babu wanda ya siya

Sanata Abdul Ningi ya fadi haka ne bayan ganawa da shugabannin jam’iyya a karamar hukumar Ganjuwa wacce ta ke karkashin mazabarsa a jihar.

Muhammad Malumfashi, babban edita a sashen Hausa na Legit ya duba labarin.

Wanda ya tantance Muhammad Malumfashi, babban edita a Legit.ng.

Asali: Legit.ng