Bayan Shekaru 6 Yana Ɓuya, Dubun Ɗan Tsohon Shugaban PRTT, Maina Ta Cika a Abuja

• Hukumar DSS ta kama Faisal, ɗan tsohon shugaban kwamitin sake fasalin fansho na Najeriya (PRTT), Abdulrasheed Maina a Abuja
• Majiyoyi sun ce an miƙa wanda aka kama ga hukumar yaki da masu yi wa tattalin arzikin kasa ta'adi (EFCC) domin ci gaba da bincike
• Faisal ya tsere tun shekarar 2020 bayan fuskantar tuhuma kan halasta kuɗaɗen haram amma yanzu ann kama shi ne a yankin Karsana da ke Abuja

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Abuja, Nigeria - Hukumar tsaro ta farin kaya ta Najeriya (DSS) ta kama Faisal, ɗan Abdulrasheed Maina, tsohon shugaban kwamitin da aka kafa domin sake fasalin tsarin fansho (PRTT).

Jami'an DSS sun kama Faisal ne bayan tsawon shekaru ana nemansa, sakamakon tsallake sharuddan belin fa ya yi, ya tsere daga Najeriya.

Majiyoyi sun shaida wa jaridar The Cable cewa hukumar DSS ta miƙa Faisal ga Hukumar Yaƙi da Masu Yi Wa Tattalin Arzikin Ƙasa Ta’annati (EFCC).

Kara karanta wannan

Ana zargin Kwankwaso na taimakon Tinubu ya zarce sabdao wasu dalilai

DSS ta kama ɗan Abdulrasheed Maina

Wata majiya ta bayyana cewa:

“An kama shi ne bayan samun sahihan bayanan sirri da suka nuna cewa Faisal ya dawo ƙasar a ɓoye.”

Faisal, wanda ya kasance a ɓoye tun shekarar 2020, ya taɓa gurfana a gaban kotu bayan EFCC ta shigar da shi ƙara bisa tuhume-tuhume uku da suka shafi halasta kuɗaɗen haram.

Bayanan da Leadership ta samu sun nuna cewa jami’an DSS sun bi diddigin Faisal tare da kama shi a yankin Karsana da ke Abuja.

Yadda kotu ta kama Faisal da laifi

An ci gaba da shari'ar Faisal ba tare da ya halarta ba, kuma a watan Oktoba na 2021, babban kotun tarayya da ke Abuja ta yanke masa hukuncin daurin shekaru 4 bsyan kama shi da laifin halasta kudin haram.

Alkalin da ke shari'ar, Okong Abang, ya bayyana cewa Hukumar EFCC ta tabbatar da cewa Faisal na da wani asusun banki na bogi a bankin UBA, wanda ta shi ne mahaifinsa, Maina, ya yi amfani wajen ssce Naira miliyan 58.1.

Kara karanta wannan

Tinubu ya gana da hafsoshin tsaro kan 2027, ya aika sako ga Atiku da sauransu

Kotun ta lura cewa an fara sanya kudaden ne a cikin asusun na UBA, wanda aka gudanar da shi a karkashin sunan "Alhaji Faisal Farm 2", kafin daga bisani Faisal da mahaifinsa su ciro su, a tsakanin watan Oktoba na 2013 da Yuni na 2019.

A watan Nuwamba na 2022, kotun daukaka kara ta tabbatar da hukuncin laifin Faisal amma ta rage hukuncin da aka yanke masa daga shekaru 14 zuwa bakwai.

Ta yanke cewa bai kamata kotun shari'ar ta sanya mafi girman hukunci kan wanda ya aikata laifi a karon farko ba.

Mahaifinsa, Maina, ya yi zaman gidan yari na shekaru takwas a gidan gyara hali na Kuje da ke Abuja saboda karkatar da kudin fansho har Naira biliyan biyu.

EFCC na neman Abdulrasheed Maina

Kun ji cewa EFCC ta ayyana tsohon shugaban kwamitin gyaran tsarin fansho, Abdulrashid Maina, a matsayin wanda take nema ruwa a jallo.

An gurfanar da Maina tare da ɗansa, Faisal, a ranar 25 ga Oktoba, 2019, kan tuhume-tuhume 12 da suka shafi halatta kuɗaɗen haram da ɓoye kuɗaɗe ta haramtacciyar hanya.

Asali: Legit.ng