"Ba Zai Yiwu ba," Hare Haren 'Yan Bindiga Sun Kai Mutane Makura a Jihar Sakkwato
- Mutanen yankin karamar hukumar Bodinga ta jihar Sakkwato sun harzuka kan yawaitar hare-haren 'yan bindiga da suka raba su da gidajensu
- Rahoton ya nuna cewa mutanen sun toshe babbar hanyar Sakkwato zuwa jihar Kebbi saboda tabarbarewar tsaro
- Zanga-zangar ta jawo cunkoson ababen hawa na sa'o'i da dama a kan babban titin kafin jami'an tsaro su bude hanya
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
Sokoto, Nigeria - Hare-haren 'yan bindiga sun fusata mutanen da ke rayuwa a kauyukan karamar hukumar Bodinga ta jihar Sakkwato.
Rahotanni sun nuna cewa mutanen da suka tsere daga ƙauyukansu sakamakon matsalar tsaro sun gudanar da zanga-zanga ranar Juma'a domin neman gwamnati ta kawo karshen hare-haren da ake kai musu.
Source: Original
Daily Trust ta ce masu zanga-zangar, wadanda akasarinsu matasa ne, sun toshe babbar hanyar Sokoto–Yauri–Birnin Kebbi, suna neman gwamnati ta dauki matakin gaggawa.
Mutane sun mamaye babban titi a Sokoto
Matasan sun kunna wuta tare da shimfida itatuwa a kan hanyar, lamarin da ya haddasa cunkoson ababen hawa tare da barin daruruwan matafiya maƙale na tsawon sa'o'i.
Daga bisani jami'an tsaro sun yi nasarar tarwatsa zanga-zangar tare da bude hanyar da tsakar rana a yau Juma'a.
Lokacin da wakilai suka kai ziyara Bodinga, sun tarar da iyalai da dama da suka rasa matsugunansu suna samun mafaka a makarantu, masallatai da gidajen jama'a.
Wani mazaunin garin da ya bukaci a sakaya sunansa ya ce zanga-zangar na da nufin jawo hankalin gwamnati kan tabarbarewar matsalar tsaro.
Ya ce:
"Ba za mu ci gaba da yin shiru ba yayin da ake kashe mutanenmu tare da tilasta musu barin gidajensu. Iyalai da dama da suka rasa gidajendu sun tsere zuwa garin Bodinga saboda ba su da wani wurin zuwa."
An jefi tawagar kakakin majalisar Sokoto
Wani shaidan gani da ido ya ce masu zanga-zangar sun yi ihu ga Kakakin Majalisar Dokokin Jihar Sokoto, Tukur Bala Bodinga, tare da jifan tawagarsa da duwatsu lokacin da suka iso wurin.
Sai dai ya musanta rahotannin da ke cewa an lalata motar kakakin ko wata mota daga cikin tawagarsa.
"An yi ihu da jifan duwatsu, amma babu motar da aka fasa gilashinta ko aka lalata," in ji shi.
Karin mutane sun tsere daga kauyuka
Bayani sun nuna cewa mata da yara da tsofaffi da suka rasa mahallansu suna samun mafaka a wurare daban-daban a Bodinga.
Wasu na zaune a Makarantar Alhaji Sahabi Bodinga, Makarantar Dan Jeka, Makarantar Liman, Masallacin Mallam Bala, sabuwar kasuwar Bodinga da kuma garin Sifawa.
An ce mutanen sun fara kwarara zuwa Bodinga tun ranar Laraba bayan harin farko, yayin da sababbin hare-haren da aka kai daga ranar Alhamis zuwa safiyar Juma'a suka tilasta karin mutane tserewa.
A wani rahoton, kun ji cewa
Asali: Legit.ng
