Bayan Shafe Shekaru 18 kan Karagar Mulki, Basarake a Yi Bankwana da Duniya

• Sarkin Ekwuoma na 10, Mai Martaba Samuel Chinedu Chukwujindu, ya riga mu gidan gaskiya bayan mulkin shekaru 18
• Bayan rasuwar sarkin, masu naɗa sarauta sun tabbatar da nada Yarima Daniel Afamefune Chukwujindu, wanda yanzu ake kira Ezeagu Ukpo II
• Majalisar gargajiya ta ayyana zaman makoki na kwanaki bakwai tare da kira ga al'umma su yi addu'a tare da kiyaye zaman lafiya.

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Ekwuoma, Delta - Majalisar Gargajiya ta Ekwuoma da ke ƙaramar hukumar Ika ta Arewa maso Gabas North-East a Delta ta tafka babban rashin basarakenta.

Masarautar cikin jimami ta sanar da rasuwar Sarkin Ekwuoma na 10, Mai Martaba Samuel Chinedu Chukwujindu.

Majalisar ta kuma sanar da naɗa Yarima Daniel Afamefune Chukwujindu a matsayin sabon sarki, wanda yanzu aka naɗa da sarautar Ezeagu Ukpo II, cewar The Nation.

Kara karanta wannan

Gwamnatin Katsina ta yi magana kan sace Janar da matarsa, ta fadi kokarin da take yi

A cikin wata sanarwa da Onu Obi na Masarautar Ekwuoma, Cif Godwin Nwokolo ya sanya wa hannu, an ce sarkin ya rasu lafiya.

Sanarwar ta bayyana cewa marigayi sarkin ya koma ga kakanninsa ranar 2 ga Yuni, 2026 bayan ya yi mulki daga 2008 zuwa 2026.

Majalisar ta bayyana marigayin a matsayin uba na gari mai daraja wanda mulkinsa ya kawo zaman lafiya, ci gaba da kuma ɗaukaka ga masarautar.

Bayan rasuwarsa, Kwalejin Masu Naɗa Sarakunan Ekwuoma ta tabbatar da hawa karagar Yarima Daniel Afamefune Chukwujindu bisa al'ada da dokokin gado.

Sabon sarkin, Ezeagu Ukpo II, zai jagoranci masarautar tare da kula da al'adun sarauta da suka samo asali tun daga shekarar 1646.

Majalisar gargajiya ta nuna kwarin gwiwa cewa zaman lafiya, haɗin kai, wadata da albarkar Ubangiji za su ci gaba da kasancewa a masarautar.

A wani ɓangare na al'adun sauyin mulki, majalisar ta ayyana zaman makoki na tsawon kwanaki bakwai ga al'ummar masarautar.

Ta kuma buƙaci mazauna yankin da 'yan asalin masarautar da ke gida da ƙasashen waje su guji shagulgula masu yawa tare da yin addu'a.

Kara karanta wannan

Tsohon ɗan takara a ADC ya fice daga jam'iyyar, ya koma layin Pantami a PDP

An shirya bikin nadin da sabon Sarki

Sanarwar ta ƙara da cewa za a sanar da ranar bikin naɗin sabon sarkin da gabatar da shi ga jama'a a wani lokaci na gaba.

Haka kuma an sanar da gwamnatin Delta, hukumomin tsaro da sauran hukumomin gargajiya da na gwamnati game da rasuwar sarkin.

Sanarwar ta ƙara da cewa za a sanar da ranar bikin naɗin sabon sarkin da gabatar da shi ga jama'a a wani lokaci na gaba.

Haka kuma an sanar da gwamnatin Delta, hukumomin tsaro da sauran hukumomin gargajiya da na gwamnati game da rasuwar sarkin.

Babban sarki a Ekiti ya rasu

A baya, an ji cewa gwamnan Ekiti, Biodun Oyebanji, ya yi alhinin rasuwar babban basarake wanda ya ba da gudummawa mai yawa.

Marigayin wanda shi ne Alawe na Ilawe Ekiti, Oba Adebanji Alabi ya yi bankwana da duniya ne bayan fama da rashin lafiya.

Oyebanji ya bayyana marigayin a matsayin ma’ajiyar tarihi, ilimi da al’adu, wanda mulkinsa ya kawo zaman lafiya da ci gaba a Ilawe Ekiti.

Asali: Legit.ng