Lailatul Kadri: Sheikh Daurawa Ya Jero Falalar Goman Karshe na Azumin Ramadan

• Yayin da ake kokarin kammala azumi, Sheikh Daurawa ya ce goman ƙarshe na Ramadan sun fi falala fiye da sauran kwanaki a cikin watan
• Malam Daurawa ya jaddada darajar daren Lailatul Kadri wanda yayi daidai da watanni 1,000 na bauta kamar yadda malamai suka tabbatar
• Malamin ya bayyana muhimmancin shiga Itikafi don gyara dangantaka da Allah da kuma neman yafiya daga Ubangiji kan kura-kurai da mutum ya aikata
• Ya ce Annabi Muhammad (SAW) yana ƙara dagewa da raya dare da tashin iyalansa a goman ƙarshe domin kara kusanci da Ubangiji SWT

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Kano - Babban malamin Musulunci a Najeriya, Sheikh Aminu Ibrahim Daurawa ya yi bayani mai zurfi kan daren goman karshe a Ramadan.

Sheikh Daurawa ya jero falalar goman karshe da aka shiga yanzu a watan Ramadan saboda muhimmancinsu ga dukan Musulmi mai azumi.

Kara karanta wannan

Gwamna Fubara ya ɗauki matakin ƙarshe, ya fice daga gidan gwamnatin jihar Ribas

Goman karshen Ramadan: Daurawa ya shawarci Musulmi

Sheikh Aminu Ibrahim Daurawa ya bayyana haka ne a cikin wani faifan bidiyo da BBC Hausa ta wallafa a shafin X a yau Laraba 19 ga watan Maris, 2025.

A cikin faifan bidiyon mai tsawon mintuna uku, Daurawa ya fadi falalar daren goman karshe da muhimmancinsa kamar yadda Musulunci ya tabbatar.

Legit Hausa ta bibiyi faifan bidiyon inda ta samu muku wasu muhimman abubuwa da ke tattare da goman karshe na Ramadan da muke ciki.

1. Fifiko da aka ba goman karshe a Ramadan

Malam Daurawa ya ce daren goman karshe na da abubuwa masu muhimmanci a cikinsa wanda ya sa ake fifita su fiye da goman farko da na tsakiya.

Ya ce farko dai Allah ya yi rantsuwa daren a cikin Kur'ani kamar yadda wasu malamai suka fassara ayar cewa sune goman karshe na watan Ramadan.

Har ila yau, ya bayyana alfanun da daren ke da shi idan aka kwatanta da sauran dararan Musulunci saboda muhimmancin da daren ya kunsa da albarka.

Kara karanta wannan

An gano inda Gwamna Fubara yake bayan sojoji sun mamaye fadar gwamnatin Ribas

2. Daren Lailatul kadri na Ramadan

Malamin ya yi bayani kan daren mai daraja inda ya ce idan mutum ya dace da ita kamar ya shafe watanni 1,000 yana bautar ubangiji.

Daga cikin dararan idan mutum ya dace a daren 21 ko 23 ko 25 ko 27 ko kuma daren 29 kamar ya yi shekara 84 da watanni yana bauta kenan.

Shehin malamin ya shawarci Musulmai ka da su yi wasa da wannan daren saboda yadda aka dunkukle ibadar wata dubu a dare daya.

3. Shiga Itikafi a masallaci yayin Ramadan

Sheikh Daurawa ya bayyana yadda Itikafi yake inda ya ce mutum ne zai tashi ya koma kaco-kan a masallaci musamman saboda bauta.

Ya ce ana shiga Itikafi saboda mutum ya yi tuntuntuni kan farkonsa da karshensa wurin yin ibada da karatun Kur'ani.

Malamin ya ce akalla ana son mutum ya yi na kwana daya ko biyu ko uku ko kuma na kwanaki 10 domin gyara alaka da Ubangiji da neman gafarar ubangiji.

Kara karanta wannan

Gwamnatin Rivers ta fadi mamakin da Tinubu ya ba ta kan dakatar da Fubara

Yadda Annabi (SAW) ke ibada a goman karshe

Sheikh Aminu Daurawa ya ce Annabi Muhammad (SAW) idan goman karshe ya zo ya kan yi abubuwa kamar guda uku wadanda ke nuna darajar da daren ke da shi ga al'ummar Musulunci.

Na farko, ya kan zage dantse duk da kullum a cikin ibadah yake amma ya kan dage a kan dagewar da yake yi domin amfanin da ke tattare da daren.

Na biyu, Annabi (SAW) ya kan yi sallah, ya yi barci amma a karshen Ramadan ya na raya daren ne gaba daya saboda nuna muhimmancinsu ga al'ummarsa.

Na uku, fiyayyen halitta ya kan tashi iyalansa domin su yi ibadah domin dacewa da wannan dare mai albarka.

Sheikh Daurawa ya jero alamomin lalacewar matashi

Kun ji cewa Malamin Musulunci, Sheikh Aminu Daurawa ya jero hanyoyin da ake gane matashi ya fara lalacewa wanda sai an dage kafin a taro shi daga hanyar da ya fara bi.

Kara karanta wannan

Lailatul qadr: Yadda Musulmi zai ribaci kwanaki 10 na karshen Ramadan

Malamin ya ce duk matashin da ba ya Sallah yana da babbar alamar lalacewa, musamman idan yana gudunta a kowane lokaci.

Sheikh Daurawa ya kuma lissafo rashin zuwa makaranta, ko dai ta boko ko ta addini, ya na daga cikin manyan alamomin matashin da ke shirin lalacewa.

Muhammad Malumfashi, babban edita a sashen Hausa na Legit ya duba labarin.

Wanda ya tantance Muhammad Malumfashi, babban edita a Legit.ng.

Asali: Legit.ng