An Jika wa Netanyahu Aiki a Isra'ila bayan Kayar da Trump a Zaben Amurka

• Hukumar zaɓen Isra'ila ta ce binciken da ta gudanar bai gano wata shaida ta maguɗi ko rashin bin ƙa'ida a zaɓen da aka yi makon jiya ba
• Rahoton hukumar ya kawo cikas ga ƙoƙarin Firaminista Benjamin Netanyahu da magoya bayansa na nuna cewa an yi maguɗi a zaɓen
• Sakamakon zaɓen ya nuna cewa ƙungiyar jam'iyyun masu ra'ayin addini da kishin ƙasa ta Netanyahu ta rasa rinjayen kujeru a majalisar dokoki

Editan Legit Hausa Ibrahim Yusuf Kari yana da gogewar aikin jarida da rubuce-rubucen adabi sama da shekaru huɗu, kuma kwararre ne a kawo rahotannin kasuwanci, siyasa da lamuran yau da kullum.

Isra'ila – Hukumar zaɓen Isra'ila ta bayyana ranar Laraba cewa ba ta gano wata shaida ta maguɗi a zaɓen da aka gudanar makon da ya gabata ba, lamarin da ya raunana zarge-zargen Benjamin Netanyahu da magoya bayansa.

Netanyahu da magoya bayansa sun sha zargin cewa jam'iyyun da Larabawa ke jagoranta sun yi amfani da maguɗi wajen cin zaɓen, watakila tare da taimakon wasu ƙasashen waje.

Kara karanta wannan

Obama ya ce za a fara shirin rage 'barnar' Trump bayan kwace ikon majalisa

A cewar kamfanin dillancin labarai na AP, hukumar ta ce bincikenta bai gano wata hujja da za ta tabbatar da waɗannan zarge-zarge ba.

Isra'ila ta karyata zargin maguɗi

A cikin wata sanarwa, hukumar zaɓen ta ce binciken da ta gudanar bai gano wata matsala da ta kawo illa ga sahihancin zaɓen ko sauya sakamakonsa ba.

Mukaddashin daraktan hukumar, Dean Livne, ya ce sun binciki kowane ƙorafi daban-daban kuma cikin zurfin nazari, amma ba su samu hujjar da za ta nuna cewa sakamakon zaɓen bai inganta ba.

Livne ya ƙara da cewa sakamakon da ake sa ran tabbatarwa a hukumance ranar Laraba ya nuna ainihin zaɓin da jama'a suka yi a rumfuna.

Hukumar ta kuma bayyana cewa, duk da muhimmancin zargin yiwuwar katsalandan daga ƙasashen waje, ba ta da imanin cewa hakan ya sauya sakamakon zaɓen.

Netanyahu ya rasa rinjaye

Sakamakon zaɓen ya nuna cewa ƙungiyar jam'iyyun Netanyahu masu ra'ayin addini da kishin ƙasa ta rasa rinjayen da take da shi a majalisar dokokin Isra'ila.

Kara karanta wannan

Yadda Iran ta 'jawo wa' Trump faduwa zabe a Amurka, ya ce ya yi mamaki

A gefe guda, jam'iyyun da Larabawa ke jagoranta sun samu gagarumar nasara ta hanyar ƙara yawan kujerunsu.

Shugaban hukumar zaɓen, Mai shari'a Noam Sohlberg, ya ce ko da bincike ya tabbatar da zargin cewa wasu ƙasashen waje sun yi ƙoƙarin yin katsalandan, hakan ba zai rushe sahihancin tsarin zaɓen ko sakamakonsa gaba ɗaya ba.

Sai dai wani bincike daban da hukumar leƙen asirin Isra'ila ta Shin Bet ke gudanarwa kan zargin katsalandan daga ƙasashen waje yana ci gaba da gudana.

Abdul El-Sayed ya ci zaben Amurka

A wani labarin, mun ruwaito cewa Abdul El-Sayed, ɗan jam'iyyar Democrat, ya lashe zaɓen sanatan Amurka a jihar Michigan bayan doke ɗan takarar Republican, Mike Rogers.

Rahotanni sun nuna cewa nasarar El-Sayed ta sanya shi zama Musulmi na farko da aka zaɓa a matsayin sanata a tarihin Amurka gaba daya.

Zaɓen ya kasance cikin waɗanda suka fi ɗaukar hankali a zaɓen tsakiyar wa'adi na 2026, inda Democrat suka samu rinjaye a majalisun dokokin Amurka biyu.

Asali: Legit.ng