China Ta Dauki Mataki kan Amurka bayan Gano Makamansu Sun Ragu a Yakin Iran
- China ta sanar da sababbin takunkumai kan wasu kamfanonin Amurka tare da tsaurara dokar fitar da jiragen sama marasa matuƙa zuwa Amurka
- Beijing ta ce matakin martani ne ga takunkuman da Washington ta kakaba wa kamfanonin China kan zargin take haƙƙin ɗan Adam
- Sababbin matakan sun zo ne gabanin taron da ake sa ran shugabannin China da Amurka, Xi Jinping da Donald Trump, za su yi a watan gobe
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.
Beijing, China – Gwamnatin China ta sanar da kakaba sababbin takunkumai kan wasu kamfanonin Amurka tare da ƙara tsaurara dokokin fitar da jiragen sama marasa matuƙa da kayan da ake amfani da su zuwa Amurka.
China ta bayyana cewa matakin martani ne ga jerin takunkuman da gwamnatin Amurka ta ɗauka kwanan nan kan kamfanonin China da sauran matakan kasuwanci.
Source: Getty Images
CNN ta rahoto cewa wannan na zuwa ne gabanin taron da ake sa ran shugaban China Xi Jinping da shugaban Amurka Donald Trump za su yi a Amurka a watan Satumban 2026.
Dalilin da China ta ɗauki matakin
Ma'aikatar kasuwancin China ta ce ta sanya kamfanonin Amurka guda bakwai cikin jerin takunkumi, inda ta hana kamfanoni da mutane a cikin China yin hulɗa da su.
A cewar ma'aikatar, kamfanoni shida sun shiga jerin ne saboda matakin Amurka na haramta shigo da kayayyaki daga kamfanonin China 43 bisa zargin take haƙƙin ƴan kabilar Uyghur da sauran tsiraru.
An kuma ɗaura kamfani na bakwai cikin jerin bayan Hukumar Sadarwa ta Amurka (FCC) ta haramta shigo da sababbbin mutummutumin robot da wasu na'urorin lantarki da ake ƙerawa a China.
Euro News ta ce China ta kuma sanar da fara binciken tsaron ƙasa kan wasu kayan ofis da ake shigo da su masu amfani da manhajojin ƙasashen waje, tare da dakatar da wasu shirye-shiryen haɗin gwiwa da Amurka.
Kara karanta wannan
Amurka ta lissafa Najeriya da wasu kasashen Afrika dake fuskantar barazanar tsaro
China ta yi gargaɗi ga Amurka
Kakakin ma'aikatar kasuwancin China ya ce Beijing ba ta da wani zaɓi face ɗaukar matakan ramuwar gayya domin kare muradunta.
Ya buƙaci gwamnatin Amurka ta janye takunkuman da ta kakaba wa kamfanonin China tare da dakatar da matakan da zai iya dagula dangantakar ƙasashen biyu.
Source: Getty Images
Kakakin ya ƙara da cewa idan Amurka ta ci gaba da kakaba sababbbin takunkumai kan China, Beijing za ta ɗauki ƙarin matakan martani.
Ana karancin makami a Amurka
A wani labarin, mun ruwaito cewa rahotanni sun nuna rundunar sojin Amurka ta yi amfani da kusan dukkan manyan makamai masu linzami na dogon zango da take da su yayin yaƙin da ta yi da Iran.
An bayyana cewa makaman ATACMS da (PrSM), waɗanda suke cikin muhimman makaman rundunar, sun ragu matuƙa bayan watanni ana amfani da su.
Rahotannin sun ce wannan na iya tilasta wa gwamnatin Donald Trump komawa amfani da jiragen yaƙi masu matuƙa idan ta sake ƙaddamar da manyan hare-hare kan Iran.
Asali: Legit.ng
