Abubuwan Sun Ƙara Zafi, Kasar Musulunci Ta Iran Ta Sake Yi Wa Amurka Babbar Illa
- Dakarun kare juyin juya halin na kasa Iran sun bayyana cewa sun samu nasarar harbo jirgin MQ-9 Reaper na Amurka a birninnAhvaz
- Kasar Iran ta ce wannan shi ne jirgin MQ-9 na hudu da ta harbo cikin kwanaki takwas da suka gabata
- Mahukuntan Iran sun yi ikirarin cewa sun lalata sama da jiragen Amurka 150 tun bayan fara yakinn kasar da kasashen Amurka da Isra'ila
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
Iran - Dakarun Rundunar Kare Juyin Juya Halin Musulunci na Iran (IRGC) sun sanar da cewa sun harbo wani jirgin leken asiri da kai hari na MQ-9 Reaper mallakin Amurka a sararin samaniyar birnin Ahvaz.
A cewar mahukuntan Iran, wannan shi ne jirgin MQ-9 na hudu da suka harbo cikin kwanaki takwas da suka gabata, bayan sake barkewar yaki tsakanin kasashen biyu.
Source: Getty Images
Iran ta lalata jiragen Amurka sama da 150
Rahoton tashar Al-Jazeera ya nuna cewa mahukuntan Iran sun kuma yi ikirarin cewa sun harbo sama da jiragen Amurka 150 tun bayan barkewar yakin.
A cewarsu, kusan jirage 30 daga cikin wadanda aka lalata nau'in MQ-9 Reaper ne, wanda ake amfani da shi wajen leken asiri da kai hare-hare.
Wannan n zuwa ne yayin da yaki ya sake barkewa tsakanin Amurka da kasar Musulunci ta Iran, lamarin da ke kara zama barazana ga tattalin arzikin duniya.
Iran ta kalubalanci ikirarin Amurka
A makon farko na watan Maris, Ministan Tsaron Amurka, Pete Hegseth, ya bayyana cewa kasarsa na da cikakken iko kan sararin samaniyar Iran.
Sai dai Iran ta ce sababbin da kuma ingantattun tsarin kariyar sararin samaniyarta sun nuna akasin wannan ikirari., tana ami cewa yanzu ita ke da cikakken iko.
A cewar ksar ta Musulunci, idan har da gaske ta lalata jiragen MQ-9 guda 30, hakan na nuna cewa ikirarin gwamnatin Amurka ba daidai ba ne.
Asarar da za ta iya kai wa biliyoyin daloli
Rahotanni sun nuna cewa matsakaicin kudin kera jirgin leken asiri na MQ-9 Reaper ya kai kusan Dala miliyan 34 a shekarar 2024.
Source: Getty Images
Idan har ikirarin Iran na lalata jiragen guda 30 cikin watanni hudu gaskiya ne, hakan na nufin Amurka ta yi asarar kayan aikin soja da darajarsu ta haura Dala biliyan daya.
Kasashen dai na ci gaba da kai wa juna hare-hare tun bayan karya yarjejeniyar tsagaita wuta da suka cimma wa kwanakin baya, wanda hakan ya zama barazana ga tattaunawar da aka fara.
Iran ta hallaka sojojin Amurka 2
A wani rahoton, kun ji cewa Iran ta kashe sojojin Amurka biyu a Jordan bayan ta kai wani harin makamai masu linzami kan sansanin da suke ciki a Gabas ta Tsakiya.
An kashe sojojin ne yayin da suke kare kansu daga hare-haren makamai masu linzami masu cin dogon zango da jirage marasa matuƙa da Iran ta kai, a ranar Juma’a, 17 ga Yuli, 2026.
Wannan ne karon farko da aka kashe sojojin Amurka tun bayan da aka sake komawa faɗa makonni biyu da suka gabata. Lamarin ya sa adadin sojojin Amurka da aka kashe a yaƙin ya kai 16.
Asali: Legit.ng
