'Ƴar TikTok Ta Yi Wani Irin Mutuwa Mai Ban Tausayi, an Samu Gawarta a Dakinta

• Kamfanin Teleperformance a Kenya ya musanta zargin hana wata ƴar TikTok, Ladi Olubunmi, izinin zuwa hutunta a gida Najeriya
• An tsinci gawar Olubunmi a cikin gidanta bayan kwana uku da rasuwarta, inda ta riga mu gidan gaskiya a wani yanayi mai ban tausayi
• Abokanta sun bayyana cewa ta dade tana nuna gajiya da rashin lafiya, tana kuma kokarin komawa Najeriya domin hutu kafin ta rasu
• Fiye da 'yan Najeriya 100 da ke aiki a karkashin Teleperformance ba su da takardar izinin aiki da ke hana su zuwa gida har tsawon shekaru

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Nairobi, Kenya - Wani kamfani da ke wakiltar manhajar TikTok a Kenya, Teleperformance ya musanta zargin hana wata ‘yar Najeriya, Ladi Olubunmi, izinin tafiya hutu.

Rahotanni sun bayyana cewa an gano gawar Olubunmi a cikin gidanta a makon da ya gabata, bayan kwana uku da rasuwarta.

Kara karanta wannan

Sojoji sun yi musayar wuta da 'yan bindiga a hanyar Kaduna, an samu asarar rayuka

Kamfani ya kare kansa bayan mutuwar ƴar TikTok

ABC news ta ce Teleperformance na Kenya, wani kamfanin Faransa da TikTok ke aiki da shi inda ya musanta zargin hana ta komawa Najeriya.

Amma kafafen watsa labarai na duniya sun nuna akasin haka, abokan aikinta suka ce ta sha nuna gajiya kuma tana son komawa gida.

Duk da tana da damar samun tikitin komawa gida duk shekara, an ce an hana ta tafiya saboda matsalar takardar izinin aikinta.

Kauna Malgwi, daya daga cikin abokanta, ta kara bayyana cewa fiye da 'yan Najeriya 100 ba su da takardar izinin aiki tsawon shekaru biyu.

Ta ce:

“Fiye da ‘yan Najeriya 100 ne ke aiki da Teleperformance ba tare da takardar izinin aiki ba tsawon shekaru biyu."

An karrama marigayiyar bayan mutuwarta

Bayan rasuwarta mai cike da alhini, ma’aikatan fasaha a Kenya sun gudanar da taron tunawa da ita tare da bayyana damuwa kan yanayin aiki.

Kara karanta wannan

An kama 'yar Tiktok da laifin batanci ga annabin Allah a azumin Ramadan

Kokarin samun martani daga Hukumar NiDCOM bai yi nasara ba, domin kakakinta bai amsa kira ko tambaya ba.

Jaridar Leadership ta ruwaito cewa ba wannan ne karon farko da yan Najeriya ke mutuwa a yanayi mai ban mamaki a kasar Kenya ba.

A watan Yuli na 2021, wasu ‘yan Najeriya biyu sun mutu a wata liyafa a gida a yanayi da ba a fayyace ba.

Daya daga cikinsu ya faɗo daga bene na bakwai na gidan Skyhorse a Kilimani, ya mutu nan take, yayin da dayan ya fadi a madafi.

Kotu ta daure ƴar TikTok kan batanci

Kun ji cewa wata kotu a Indonesia ta yanke wa Ratu Thalisa hukuncin daurin shekaru biyu da watanni 10 a gidan yari bisa batanci ga Annabi Isa dan Maryam.

An ce ana tuhumr Thalisa ne bayan ta yi hira da hoton Annabi Isa a TikTok tana cewa ya aske gashinsa wanda ya jawo hayaniya a kasar.

Kara karanta wannan

An tono yadda aka kayata gidan Buhari na Kaduna ya dawo kamar a Turai

Kungiyoyin kare hakkin bil'adama, ciki har da Amnesty International, sun soki hukuncin tare da kira a soke shi saboda kowa yana da ƴancin albarkacin bakinsa.

Muhammad Malumfashi, babban edita a sashen Hausa na Legit ya duba labarin.

Wanda ya tantance Muhammad Malumfashi, babban edita a Legit.ng.

Asali: Legit.ng