Yadda Shugaban Kasa Ya Ba Ni Mukami Bai Taba Gani Na ba Inji Mai Daukar Hoton Buhari

Yadda Shugaban Kasa Ya Ba Ni Mukami Bai Taba Gani Na ba Inji Mai Daukar Hoton Buhari

  • Bayo Omoboriowo ya kawo tarihin haduwarsa da Muhammadu Buhari, wanda ya ba shi mukami a mulkinsa
  • Matashin ya zama mai daukar hoton shugaban kasa a lokacin da bai da kusanci da manyan ‘yan siyasa
  • Omoboriowo ya kware wajen harkar hoto, a dalilin haka APC ta dauke shi wajen daukar hotunan kamfe

M. Malumfashi ya shafe shekaru ya na kawo labaran Hausa musamman na siyasa, addini, tarihi, wasanni da al’ada.

Abuja - Bayo Omoboriowo shi ne mai daukar Muhammadu Buhari hoto a lokacin yana mulki, ya bada labarin yadda ya samu daukaka.

Bayo Omoboriowo bai san kowa ba, amma sai ga shi yana aiki a fadar shugaban kasa, shi bada labarin nan da Channels tayi hira da shi.

Buhari - Bayo Omoboriowo
Mai Hoton Muhammadu Buhari, Bayo Omoboriowo Hoto: @BayoOmoboriowo
Asali: Twitter

Kwararren mai hoton ya bayyana cewa ayyukan da ya yi a baya suka taimaka masa samun matsayi a mulkin Muhammadu Buhari.

Kara karanta wannan

Na kusa da shi ya bayyana halin tausayi da Buhari ya shiga lokacin rashin lafiya

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Tarihin rayuwar Bayo Omoboriowo

Omoboriowo ya kafa MadHouse by Tikera kuma ya shahara wajen daukar hotuna, sai dai da farko yana aikin zaman kan shi ne a Najeriya.

Sannu a hankali har ya fara aiki da gidan BellaNaija, wannan ya kara masa shahara sosai. Vanguard ta fitar da rahoton hirar da aka yi.

A hirar da aka yi da shi a gidan talabijin, Omoboriowo yace ana haka sai wata rana wani ya kira shi daga Ingila domin yi wa wasu aiki.

Zuwa digiri a jami'ar Legas

Tun asali ya karanta ilmin sinadarai ne a jami’ar Legas, matashin yace a lokacin da ya gama hidimar kasa sai ya tafi koyon daukar hoto.

A lokacin ya rika rabawa ne a cikin dakin dalibai a jami'a domin koyon amfani da manhajar Photoshop har ya kware wajen gyara hotuna.

Kara karanta wannan

Ministan Tinubu ya nuna gwamnan arewa 1, ya bayyana ayyukan Alherin da Yake Zuba Wa Talakawa

Wannan Bawan Allah yace ya taba zama mai saida ruwan leda a titunan Legas.

Da BellaNaija suka fara haska hotunansa sai ya yi suna a duniya, zuwa 2012 sai ga shi yana samun kyautattuka da kuma lambobin yabo.

A 2014 ya ga ana neman masu daukar hoto, ko kafin nan ya yi da Kayode Fayemi da Rauf Aregbesola, silar daukakarsa kenan a aikin.

Haduwar Omoboriowo da Muhammadu Buhari a 2014

Da aka je taron zaben ‘dan takaran APC a 2014, sai aka sacewa Omoboriowo wayarsa. Hakan bai hana shi nuna kwarewa da baiwarsa ba.

A hankali ya samu damar daukar hoton Muhammadu Buhari wajen kamfe, bayan APC ta ci zabe sai ya zama mai hoton shugaban kasa.

Auren dolen NNPP da APC a Kano

A babin siyasa, ana da labari shugaba Bola Ahmed Tinubu ya nemi shugaban na APC ya fara aikinsa da yin sulhu da Rabiu Kwankwaso.

Kara karanta wannan

"Ba su gane shi ba": Hamshakin mai kudi Femi Otedola ya shiga motar haya a wani tsohon bidiyo

A matsayinsa na shugaban jam’iyya na kasa, ana bukatar Abdullahi Umar Ganduje ya jawo ‘yan adawa, a ciki har da jigon na NNPP.

Asali: Legit.ng

Authors:
Muhammad Malumfashi avatar

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng

Online view pixel