Jerin Kananan Hukumomi 40 a Najeriya da Ba Lallai a Yi Zabe Ba a 2023

• Kananan hukumomi 40 ne akalla ake yawan kai farmaki a wasu jihohin Najeriya, kuma akwai alamun ba lallai su kada kur'u a zabe mai zuwa ba saboda ta'azzarar lamarin tsaro
• Jihohin da hakan ya shafa irinsu Kaduna da Zamfara da Imo da Neja da kuma Sokoto ne, kasancewar 'yan ta'adda sun tasa yankunan a gaba
• Duk da haka, gwamnatin Buhari na kara lasa ma jama'a zuma a baki cewa tabbas za a yi zabe a kowane yankin kasar nan

Najeriya - Ta'azzarar rashin tsaro a Najeriya ya sa 'yan kasar da dama cikin tashin hankali, kuma kullum tsoro karuwa yake a zukatan wasu da dama.

Jaridar Punch, ta ruwaito cewa, akwai kananan hukumo sama da 40 da ba lallai su kada kuri'u ba a zabe mai zuwa saboda yawaitar harin 'yan ta'adda.

Kara karanta wannan

Yajin Aiki: Ɗan El-Rufai Ya Ce ASUU 'Bata Da Amfani', An Masa Zafafan Martani

Kananan hukumomin 40 suna karkashin fadin jihohin Kaduna, Zamfara, Niger, Katsina, Abia da Imo ne, kuma ga su kamar haka:

'Yan bindiga sun mamaye kananan hukumomi 8 a Kaduna

1. Chikun
2. Kajuru
3. Kachia
4. Zangon Kataf
5. Kauru
6. Lare
7. Birnin Gwari
8. Giwa

'Yan ta'adda da 'yan bindiga sun karbe kananan hukumomi 9 a Zamfara

1. Maru
2. Tsafe
3. Bakura
4. Anka
5. Maradun
6. Gusau
7. Bukkuyum
8. Shinkafi
9. Bungudu

Boko Haram da sauran 'yan ta'adda sun kama kananan hukumomi 7 a Neja

1. Rafi
2. Munyan
3. Shiroro
4. Magama
5. Mashegu
6. Mariaga
7. Wushishi

Kananan hukumomi 11 cikin 23 na Sokoto na fama hare-hare

1. Illela
2. Rabbah
3. Sabon-Birni
4. Isa
5. Wurno
6. Gada
7. Goronyo
8. Tangaza
9. Gudu
10. Denge-Shuni
11. Kebbe

Kara karanta wannan

Rundunar Sojin Najeriya Ta Yanke Hukunci Kan Sojojin da Suka Kashe Sheikh Goni a Jihar Yobe

Kanan hukumo 5 da 'yan bindiga suka addaba a jihar Imo

1. Orsu
2. Orlu
3. Oru East
4. Oru West
5. Njaba

Ba Lallai a Yi Zabe a Wasu Jihohin Arewa Maso Yamma Ba, Inji Gwamnonin Najeriya Ga Buhari

A wani labarin, wani sabon batu ya fito daga bakin gwamnonin Najeriya, inda suka bayyana ra'ayin cewa ba lallai a yi zabuka a wasu jihohin Arewa maso Yammacin kasar nan ba saboda kara dagulewar lamarin tsaro a shiyyar.

Arewa maso Yammancin Najeriya dai ta ta kunshi jihohi bakwai da suka hada da; Jigawa, Kaduna, Kano, Katsina, Kebbi, Sokoto, da Zamfara.

Jaridar TheCable ta ruwaito cewa, gwamnonin sun bayyanawa Buhari hakan ne a wani taron kan samar da wasu ka'idoji.

Asali: Legit.ng