Tabdijam: Bidiyon wayar kamfen din Tinubu ta bar 'yan soshiyal midiya baki bude
- Kamfen dai wani kokari ne na 'yan siyasa wadanda ke neman yin tasiri a zukatan masu kada kuri'u gabanin zabe
- A kasashenmu na Afrika, musamman Najeriya, kamfen na siyasa kan zo da kyaututtuka ko dai na kudi ko wani abun daban, har ma da abinci
- Gabanin zabukan 2023, wata kungiyar yakin neman zaben APC ta yanke shawarar sauya dabarunta na kamfe ta hanyar bayar da kyautar wayoyi ga masu kada kuri'u
ABIN LURA: Za ku iya ceton rayuwar diya mace dake cikin hadari. Bada gudunmuwarka ga Patreon na Legit
FCT, Abuja - Hotunan wata wayar salula da aka kera dauke da hotunan Bola Tinubu da tambarin jam’iyyar APC ta bazu a kafafen sada zumunta, gabanin zaben 2023 mai zuwa.
'Yan Najeriya da dama ne suka yada hotuna da bidiyon wayar a shafin Twitter.
A karkashin allon wayar an rubuta 'Vote Bola Tinubu 2023' yayin da a baya kuwa, ga tambarin APC cike da kala rangadadau.
Asali: UGC
Lokacin da aka kunna wayar, abu na farko da za a yi arba dashi shine hoton Tinubu, sannan sai wasu kalmomi suna cewa:
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
"Dimokuradiyya ta dogara ne akan tabbacin cewa akwai yiwuwar abin ban mamaki a cikin talakawa."
Wayar kuma tana amfani ni ne da layukan sim guda biyu.
To, wannan sabon salo na raba wayar salulu a lokutan kamfen sabon lamari ne da ba a cika ganinsa ba a Najeriya.
Martanin 'yan Twitter
@@saad_dyuguda:
"Wannan mutumin yana son ya yi amfani da kudinsa ta kowace hanya don lashe zukatan mutane."
@dola_baba
"Wannan mutumin ya fito ya sayi kujerar shugaban kasa ko ta halin kaka. Babu wata alaka daga gare shi ga mutanen da yake so ya mulka; mutane suna ci gaba da magana ne a madadinsa. Za a maimaita abin da ya faru a 2015. Buhari 2.0."
@CallMeJossy:
"Babu laifi dai kam. Mai karamin buri zai so ya zabe shi ya dauki wannan."
@divinehills:
"Wa zai yi kira da wannan wayar; Meye yasa ba su raba android ba? Wannan karni na 21 ne fa don Allah."
@Biafranboyz:
"Za mu karbi wayar, kuma ba za mu zabe shi ba."
@shekariben:
"Tabdijam, haka abin zai tafi."
Tonon sililin PDP: Akwai babbar magana a 2023, APC ta shirya siyan kuri'u a zabe
A wani labarin, jaridar Leadership ta ruwaito cewa, jam’iyyar PDP ta yi zargin cewa jam’iyyar APC mai mulki na shirin siyan kuri’u domin lashe zaben shugaban kasa a zaben 2023 da za a yi nan gaba kadan. Shugaban riko na PDP Amb.
Umar Damagun, wanda ya bayyana hakan a jiya, ya bukaci ‘yan Najeriya da su karbi katin zabe na dindindin (PVC), a matsayin wani mataki na kalubalantar tsare-tsaren APC.
“Abin da suke tunani shi ne a 2023, za su zo su saye ku su ci gaba da bautar da ku, su bar ku a gida, su rufe makarantunku, su ba ku damar zama 'yan bindiga. Ya rage naku yanzu ku fita can ku nemi PVC dinku.
Asali: Legit.ng
