Shettima Ya Yi Magana da Aka Fahimci Kalamansa a Baibai kan Tinubu

• Kashim Shettima ya yi karin haske dangane da maganarsa kan gwamnonin Arewa shida da suka goyi bayan Tinubu
• Ya ce bayan Tinubu ya zama ɗan takarar APC, gwamnonin Arewa sun haɗa kai wajen gudanar da kamfen da sauran ayyukan da suka taimaka wa nasarar 2023.
• Shettima ya jaddada girmamawarsa ga gwamnonin Arewa da sauran shugabannin jam'iyyar APC mai mulki a Najeriya

​​​​​​​​​​​​​​Editan Legit Hausa Sharif Lawal yana da kwarewar shekaru wajen kawo rahotannin siyasa, al'amuran yau da kullum, tsegumi da nishadi

FCT, Abuja - Mataimakin Shugaban Ƙasa Kashim Shettima ya fayyace kalaman da ya yi game da irin goyon bayan da Shugaba Bola Ahmed Tinubu ya samu daga gwamnonin Arewa kafin ya zama ɗan takarar shugaban ƙasa na jam’iyyar APC.

Shettima ya ce kalamansa da ya ambaci gwamnonin Arewa shida da suka yi aminta da Tinubu tare da mara masa baya, sun shafi kulle-kullen siyasa da aka samu kafin zaɓen fidda gwani na APC a watan Yunin 2022.

Kara karanta wannan

An fadi adadin kuri'un da Tinubu zai samu yayin da ake shirin hada Atiku da Obi

Hakan na kunshe ne a wata sanarwa da Stanley Nkwocha, Babban Mataimaki na Musamman ga Shugaban Ƙasa kan Yaɗa Labarai da Sadarwa a ofishin Mataimakin Shugaban Ƙasa, ya fitar ranar Alhamis, 17 ga watan Satumban 2027 a shafinsa na X.

Shettima ya ce ba kan zaben 2023 yake magana ba

Mataimakin Shugaban Ƙasar ya bayyana cewa maganarsa ba ta shafi matsayin gwamnonin APC na Arewa ba bayan Tinubu ya zama ɗan takarar jam’iyyar.

Ya kuma ce ba shi da niyyar magana kan ko gwamnonin sun goyi bayan Tinubu a zaɓen shugaban ƙasa na 2023.

Hakan na kunshe ne a wata sanarwa da Stanley Nkwocha, Babban Mataimaki na Musamman ga Shugaban Ƙasa kan Yaɗa Labarai da Sadarwa a ofishin Mataimakin Shugaban Ƙasa, ya fitar ranar Alhamis, 17 ga watan Satumban 2027 a shafinsa na X.

Shettima ya ce gwamnonin APC na Arewa sun haɗa kai wajen mara wa Tinubu baya bayan zaɓen fidda gwani.

Kara karanta wannan

Ana rigimar Wike da gwamnonin APC kan Tinubu, Shettima ya fasa kwai kan zaben 2023

Gwamnonin sun taimaka wa kamfen

Sanarwar ta ce bayan zaɓen fidda gwani, gwamnonin APC na Arewa sun haɗa kai wajen mara wa ɗan takarar jam’iyyar baya.

Ta ce sun taka muhimmiyar rawa a kamfen da sauran ayyukan siyasa da suka taimaka wajen samun nasarar Tinubu a zaɓen 2023.

Wani bangare na sanarwar ya ce:

“Bayan zaɓen fidda gwani, gwamnonin APC na Arewa sun haɗa kai wajen mara wa ɗan takarar jam’iyyar baya, kuma sun taka muhimmiyar rawa a kamfen da ayyukan zaɓe da suka kai ga nasarar Shugaba Tinubu a babban zaɓen 2023.”

Shettima ya ce yana girmama gwamnonin

Shettima ya kuma bayyana girmamawarsa ga gwamnonin Arewa da sauran shugabannin APC.

Ya amince da irin gudunmawar da kowannensu, da kuma a matsayinsu na ƙungiya, suka bayar wajen nasarar jam’iyyar da kuma samun Tinubu a matsayin Shugaban Ƙasa.

Mataimakin Shugaban Ƙasar ya nuna nadamarsa kan duk wata fahimta da kalamansa suka haifar wadda za ta iya nuna akasin hakan. Ya ce manufar bayanin da ya yi ita ce kawai a sanya kalamansa cikin mahallin da ya dace.

Kara karanta wannan

Rikicin APC: Na hannun daman Tinubu ya gargadi Wike kan yawan surutu

Shettima ya yaba wa kafafen yada labarai

Sanarwar ta ƙara da cewa Shettima ya yaba wa kafafen yaɗa labarai na Najeriya saboda ƙwarewarsu da kuma yadda suke hulɗa da ofishinsa.

Ya buƙaci kafafen yaɗa labarai su ci gaba da tabbatar da sahihancin bayanai tare da bayar da cikakken abin kalamai suke magana a kai yayin rahoto.

Shettima ya jaddada muhimmancin hakan musamman yayin da Najeriya ke tunkarar wani sabon lokacin siyasa.

Kungiyar APC ta cika umarnin Shettima

A wani labarin kuma, kun ji cewa kungiyar APC Youth Parliament ta sanar da shirin ɗaukar nauyin karatun yara 60 marayu na tsawon shekara guda.

Kungiyar ta ce ta yi hakan ne a matsayin wani ɓangare na bikin cikar Mataimakin Shugaban Ƙasa Kashim Shettima shekaru 60.

Asali: Legit.ng