Akwai Hannun Na Kusa da Buhari: Omokri Ya Fallasa Wadanda Suka Kubutar da Wakilin Binance

• Tsohon hadimin shugaban kasa, Goodluck Jonathan ya fadi cewa akwai wadanda suka kubutar da wakilin Binance, Nadeem Anjarwalla
• Reno Omokri ya ce wasu da suka rike manyan mukamai a gwamnatin tsohon shugaba Muhammadu Buhari su ne silar kubutar Anjarwalla
• Wannan na zuwa ne bayan shugaban Binance din ya sulale daga inda aka kulle sa a Abuja yayin da ya je gudanar da ibada a masallaci

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

FCT, Abuja – Mai fashin baki a kafofin sadarwa, Reno Omokri ya bayyana wadanda suka kitsa sulalewar shugaban kamfanin Binance, Nadeem Ajarwalla.

Omokri ya ce Anjarwalla ya samu taimako ne daga wasu manya a Najeriya da suka rike manyan mukamai a gwamnatin tsohon shugaban kasa, Muhammadu Buhari.

Kara karanta wannan

Jerin manyan jami'an tsaro da bincike 5 da aka taɓa tuhuma kan saɓa doka

Su wanene ake zargi da tserewar Anjarwalla?

Ya ce wadannan masu matukar tasiri a kasar su na tsoron barazanar Anjarwalla zai tona musu asiri.

Reno ya bayyana haka ne a shafinsa na X a yau Litinin 25 ga watan Maris inda ya ce masu gadinsa kawai ‘yan aike ne.

“Yan Najeriya ne kamar yadda gwamnan CBN, Yemi Cardoso ya fada suka batar da $25bn zuwa kasashen ketare za su kitsa tserewar Anjarwalla.”

“Mutane ne masu girma da karfin fada a ji ne suke da hannu saboda barazanar bankada sunayensu.”

- Reno Omokri

Dalilin zargin na hannun daman Buhari

Ya ce lokacin da Buhari ya goge manhajar X, ministansa a lokacin, Abubakar Malami yana da manhajar Kiripto a wayarsa kuma ya na hana mutane kasuwancin Kiripto.

Reno ya ce ta yaya za a yi tsammanin mutum irin wannan zai zauna har a tona masa asiri kan badakalar kudi a Kiripto.

Kara karanta wannan

Daya daga cikin jami'an Binance da aka tsare a Abuja ya tsere yayin da ya je sallah

Wannan na zuwa ne bayan daya daga cikin shugabannin Binance, Nadeem Anjarwalla da ke tsare ya sulale bayan ya je yin ibadah a masallaci sabda azumi.

Reno Omokri ya ba Obi shawara

Kun ji cewa Reno Omokri ya ba dan takarar shugaban kasa a jam’iyyar LP, Peter Obi shawara kan yadda zai shawo kan Musulmai.

Omokri ya ce dole Obi ya ba al’ummar Musulmi hakuri saboda kalaman da ya yi a lokacin da ya neman zaben 2023.

Asali: Legit.ng