Sulhu Da 'Yan Bindiga: Bukarti Ya Soki Shawarar Yerima, Ya Bayyana Matakin Da Ya Kamata Gwamnati Ta Dauka

Sulhu Da 'Yan Bindiga: Bukarti Ya Soki Shawarar Yerima, Ya Bayyana Matakin Da Ya Kamata Gwamnati Ta Dauka

  • Masanin tsaro a Najeriya, Bulama Bukarti ya soki shawarar da tsohon gwamnan Zamfara ya bayar kan sulhu
  • Bukarti ya ce wannan bai da ce a irin wannan lokaci ba, tunda an sha gwada hakan ba a ci nasara ba a baya
  • Ya shawarci gwamnatin da ta yi maganinsu da karfin soja, a yayin haka za su iya tuba su kuma ajiye makamansu

DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!

FCT, Abuja - Shahararren masanin harkar tsaro, Bulama Bukarti ya soki tsohon gwamnan Zamfara, Ahmed Yerima kan shawarar da ya ba wa Shugaba Tinubu.

Sanata Yerima a ranar Litinin 3 ga watan Yuli yayin ganawarsu ya shawarci Shugaba Tinubu akan yin sulhu da 'yan bindiga.

Bukarti ya soki Yerima, ya nemi gwamnati ta nuna karfin soji akan 'yan bindiga
Bukarti Ya Bayyana Matsayarsa Kan 'Yan Bindiga. Hoto: Facebook.
Asali: UGC

Yerima ya tabbatar da cewa yin sulhun shi ne mafi alkairi akan nuna musu karfin soji.

Kara karanta wannan

Magana Ta Ƙare: Shugaba Tinubu Ya Ɗora Nauyin Dawo da Zaman Lafiya A Zamfara Kan Mutum 1

Bukarti ya bayyana haka ne yayin hira da gidan talabijin na Channels a ranar Litinin 3 ga watan Yuli.

DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka

Bukarti ya ce dole gwamnati ta yi amfani da karfin soji sabanin fahimtar Yerima

Ya ce dole gwamnatin Tarayya ta yi amfani da karfin soja don dakile harkar ta'addanci da 'yan fashin daji.

A cewarsa:

"Sulhu da 'yan bingiga na nufin zama da su a teburi daya don ba su wani abu da nufin neman wani abu.
"Yadda za a yi maganinsu shi ne amfani da karfi, Yerima ya na cewa a lallaba su idan sunki a yi amfani da karfin soja, an gwada haka a baya."

Ya ce a yayin amfani da karfn soji watakila su nemi ajiye makamansu

Ya kara da cewa:

"Abin da ya kamata a yi shi ne a nuna musu karfin soja, watakila su nemi tuba amma ba sulhu ba, don ba a sulhu da 'yan ta'adda da masu laifi."

Kara karanta wannan

Yariman Bakura Ya Sanya Labule Da Shugaba Tinubu, Ya Nemi Wata Alfarma 1 a Madadin 'Yan Bindiga

Ya kara da cewa abin da ya kamata gwamnati ta yi shi ne ba wa wadanda suke son tuba da ajiye makansu dama, cewar rahotanni.

Ya rage wa gwamnati ta ga wani mataki za ta dauka na karbar tubansu ko kuma akasin haka.

Sulhu Da 'Yan Bindiga Ya Fi Kamata A Yi, Ahmad Sani Yerima Ga Tinubu

A wani labarin, Sanata Ahmed Yerima ya shawarci Shugaba Tinubu da ya yi sulhu da 'yan bindiga.

Tsohon gwamnan ya ce sulhu ne kadai zai taimaka wajen kawo karshen rashin tsaro a kasar.

Ya ba da misali irin yadda aka yi sulhu da 'yan ta'addan Neja Delta, ya ce irin shi ake bukata a Arewacin Najeriya.

Asali: Legit.ng

Authors:
Abdullahi Abubakar avatar

Abdullahi Abubakar (Hausa editor) Marubuci kuma kwararren ɗan jaridan da ya shafe shekaru 3 yana rubutu a fannin siyasa da harkokin yau da kullum. Ya kammala digirin farko a jami'ar Maiduguri. Ya samu horon aikin jarida a Reuters da AFP, ya sha halartar tarukan karawa juna sani game da bincike da adabi. Tuntube shi a abdullahi.abubakar@corp.legit.ng.

Online view pixel