Tirkashi: Bidiyo Ya Nuna Yadda Wasu Makwabta Suka Yi Musanyan Matansu da 'Ya'yansu, Sun Fadi Dalili

Tirkashi: Bidiyo Ya Nuna Yadda Wasu Makwabta Suka Yi Musanyan Matansu da 'Ya'yansu, Sun Fadi Dalili

  • Wasu makwabta guda biyu sun ba da mamaki yayin suka yi musanyan matansu da ‘ya’yansu ga juna
  • Badakalar ta fara ne yayin da makwabtan suke zuwa gidan junansu ziyara kafin daga baya ya koma soyayya
  • Bayan sanin abin da ke faruwa, sai makwabtan suka yanke shawarar kawo karshen matsalarsu ba tare da fada ba

Wasu mazaje guda biyu makwabta sun yi musayar matansu da ‘ya’yansu a wani biki da ya bai wa mutane mamaki.

Kafar Afrimax da ta wallafa faifan bidiyon, ta bayyana cewa wadanda suka yi musayar matan nasu makwabta na kut-da-kut.

Ma'aurata
“Sun Fara Son Junansu”, Wasu Makwabta Sun Yi Musanyan Matansu a Wani Faifan Bidiyo. Hoto: Afrimax.
Asali: Youtube

Afrimax ta bayyana cewa Lilian ta auri Kelvin yayin da Immaculate ta auri Christopher.

A matsayinsu na makwabta suna kai ziyara ga junansu kafin ziyarar ta rikide ta koma soyayya tsakaninsu.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Kara karanta wannan

"Abin Da Ciwo": Wata Da Ke Saudiyya Ta Yi Kuka Ganin Halin Da Yayanta Ke Ciki Duk Da Tana Turo Kudi Duk Wata

Makwabtan sun yanke hukuncin musanyan ne don kaucewa rikici

Makwabatan sun ci gaba da mu’amala a boye da kuma zuwa gidajen juna har zuwa lokacin da sirrin ya bayyana.

Ma’auratan sai suka yanke hukuncin gyara matsalar ta hanyar musanyan matansu da kuma bikin aure a tsakaninsu don tabbatarwa.

Daga cikin yarjejeniyar akwai yin musanyan ‘ya’yansu gaba daya da matan.

Faifan bidiyon ya jawo kace-nace a kafar sada zumunta ta zamani. Kalli bidiyon:

Martanin jama'a a kafar YouTube

Mutane da dama masu ta'ammali da kafar sada zumunta sun yi martani:

LOX.4:

“Kuyi hakuri, amma wannan dai ba kyau.”

Chansa Jonathan:

“Wasa suke yi ne, wani irin wasa ne wannan, za a iya musanya mata? A’a.”

Cher 007:

“Dokar Allah ita ce kadai doka.”

Amundam Marline:

“Mun gode da wannan izina, jan kati.”

SassySelkie72:

“Ya kamata muna bin dokokin Allah, da farko dai ba kullum ne ake bin dokokin al’umma ba.”

Kara karanta wannan

Gwamnan Arewa Ya Gana da Shugabannin Tsaro Bayan Yan Bindiga Sun Kashe Rayuka 37, Ya Ɗauki Matakai Masu Kyau

Sophia Cherrington:

“Za su kone a wuta idan suka ci gaba da wannan wautar, da wasa da aure, Allah ne ya saka dokokin aure ba mu ba.”

Ba Kasuwa: Wata Budurwa Ta Fashe Da Kuka A Shago Bayan Shafe Makwanni 3 Babu Ciniki

A wani labarin, wani faifan bidiyo ya yadu inda aka gano wata budurwa ta na kwalla saboda rashin ciniki a shago.

An gano budurwar ta na zagawa a shagon ta na hawaye da cewa makwanni uku kenan babu wanda ya zo ya sayi ko abin kwabo daya.

Asali: Legit.ng

Online view pixel