Tinubu: ‘Dan takaran LP, Peter Obi ya yi maganar ‘shirin’ zanga-zanga a Eagle Square

• Peter Obi da mutanensa ba za su yi wata zanga-zanga a Eagle Square kamar yadda ake ta yadawa ba
• Hadimin ‘dan takaran shugaban kasar, Tai Obasi ya tabbatar da haka ana shirin rantsar da Bola Tinubu
• Obi mutum ne mai neman zaman lafiya, Obasi ya ce uban gidansa bai san da batun yin zanga-zanga ba

Abuja - Peter Obi ya na cikin wadanda su ka yi takara da Asiwaju Bola Tinubu a zaben 2023, ya tabbatar da ba zai je bikin rantsuwar 29 ga Mayu ba.

Punch ta ce a ranar Lahadi, Tai Obasi ya fitar da jawabi a madadin ‘dan takaran, inda ya ce bai da niyyar zuwa wajen rantsar da zababben shugaban kasar.

Hakan na zuwa a lokacin da rade-radi ke yawo cewa ‘dan takaran na LP da magoya bayansa watau ‘Yan Obidient za su yi zanga-zanga a Eagle square.

Kara karanta wannan

A banza: Peter Obi ya fadi abin da zai faru dashi bayan an rantsar da Tinubu

Jita-jitar da ake yi ita ce masu adawa da Asiwaju Bola Tinubu za su je har farfajiyar rantsuwar domin su nuna rashin amannansu da sabuwar gwamnati.

An rahoto Obasi ya karyata wadannan rahotanni, ya na cewa bai san daga inda su ka fito ba.

Zanga-zanga a Abuja

"Ban san daga ina rahoton nan ya ke fitowa ba. Ba mu san komai game da shi ko masu shirya wannan zanga-zanga ba.

Amma ina mai iya tabbatar maka da cewa mai gida na bai san da komai a game da wannan ba.

Shi ne Obi, mabiyansa kuma Obidient masu biyayya ne. Na yarda wasu lokutan su kan yi abubuwa a kan karon kan su.

Ko sau nawa aka nemi su yi hakuri, mutanen nan a fusace su ke. Ba su ji dadin yadda aka tafkawa Peter Obi magudi ba.

Kara karanta wannan

Mukamai 3 da Ake Sauraron Sabon Shugaban Kasa Ya Nada da Zarar Ya Shiga Ofis

Mai gidana mutum ne mai saukin kai da fahimta, wanda a kullum ya ke neman zaman lafiya da hadin-kai ko me zai faru.

- Tai Obasi

Obi zai halarci bikin rantsuwa?

"Amma zai yi wani bam-bara-kwai ya halarci bikin rantsar da mutumin da ya ke kalubalantar zaben shi a gaban kotu.

Ban san ko an aiko masa da gayyata ba. Amma ina mai fada maka cewa ba za ka gan shi a wurin ba."

- Tai Obasi

Lambar girmamawa

A gefe guda, rahoto ya zo cewa Ma’aikatar ayyuka na musamman ta fitar da sunayen tsofaffi da Gwamnoni masu-ci da za a ba shaidar girma a Najerya.

A jerin akwai shararrun 'yan siyasa da kuma Sarakunan gargajiya. Za a karrama Abdullahi Ganduje, Ali Modu Sheriff, Remi Tinubu da sauransu.

Asali: Legit.ng