"Tikitin Muslim-Muslim Zai Hana Tinubu Zama Shugaban Ƙasa", Datti Baba-Ahmed

• Mataimakin Peter Obi ya bayyana dalilan da ya sanya ƴan Najeriya ba zasu kaɗa ƙuri'un si ga Tinubu ba
• Datti Baba-Ahmed yace dalilin da ya sanya Tinubu ya kasa zama mataimakin shugaban ƙasa a 2015 shine zai sanya ƴan Najeriya su ƙi zaɓar sa
• Ɗan takarar mataimakin shugaban ƙasar ya kuma bayyana cewa jam'iyyar ce zata yi nasara a jihar Tinubu

Legas- Ɗan takarar mataimakin shugaban ƙasa na jam'iyyar Labour Party (LP), Datti Baba-Ahmed, yace ɗan takarar shugaban ƙasa na jam'iyyar APC, Bola Tinubu ba zai kai labari ba a zaɓen ranar Asabar.

Da yake magana yayin wata tattaunawa da gidan talabijin na Channels Tv a ranar Talata, Baba-Ahmed ya bayyana cewa Tinubu zai sha kashi ne a zaɓen saboda tikitin muslim-muslim na jam'iyyar APC. Rahoton The Cable

Kara karanta wannan

Wane Mutum Nafi Ƙarfin Na Janyewa Atiku Takara -Al-Mustapha Ya Magantu

Yace Tinubu wanda ya kasa zama mataimakin shugaban ƙasa na shugaba Buhari a 2015, yayi kaɗan ya ƙaƙabawa ƴan Najeriya muslim-muslim a 2023.

Datti yace wannan haɗin na APC ba zai yi aiki ba a Najeriya a wannan karon.

Ya bayyana cewa jam'iyyar LP ce kawai take da haɗi mai kyau wanda zai sanya ta lashe zaɓen shugaban ƙasa domin ciyar da ƙasar nan gaba.

"Dalilin da ya sanya Tinubu a yanzu ba shi bane mataimakin shugaban ƙasa shine zai sanya ba zai zama shugaban ƙasa ba" Inji shi.

“Abinda ya kasa aukuwa a 2015 lokacin takarar Buhari, ba zai taɓa aukuwa ba a yanzu domin an wuce wannan lokacin."

“Ba zata taɓa yiwuwa ba a Najeriya, tikitin muslim-muslim ba zai yi aiki ba."

Datti ya kuma ƙara da cewa jam'iyyar LP, zata yi nasara a jihar Legas, duk da ƙarfin faɗa aji da Tinubu yake da shi a jihar. Rahoton Arise News

Kara karanta wannan

Ana Saura Kwana 3 Zaɓe, Atiku Ya Sha Wani Babban Alwashi Kan Tinubu

“Da yardar Allah, mun yi nasara a Legas mun gama, duk da cewa akwai Tinubu a can." Shin za su fito ne su tarwatsa mutanen dake kaɗa ƙuri'a?"

Har Yanzu Nine Sahihin Ɗan Takarar PDP", Sanata Nnamani Ya Magantu

A wani rahoton korarren ɗan takarar PDP ya bayyana gaskiya kan takarar sa a zaɓen ranar Asabar.

Asali: Legit.ng