Tsohon dan takara a PDP ya lashe tikitin tsayawa takarar shugaban kasa a jam'iyyar Labour

• Bayan ficewa daga jam'iyyar PDP gabanin zaben fidda gwani, Peter Obi ya koma jam'iyyar Labour, ya samu tikitin takara
• Ya samu tikitin gwabzawa da 'yan takara a sauran jam'iyyu a 2023 ne bayan da Pat Utomi ya janye daga takara
• Jam'iyyun siyasa na ci gaba da gudanar da zabukan fidda gwani a kasar nan yayin da ake shirye-shiryen zaben 2023

Delta - Tsohon gwamnan jihar Anambra, Peter Obi, ya karbi tikitin takarar shugaban kasa na jam'iyyar Labour, rahoton jaridar Punch.

Hakan na zuwa ne bayan da wani dan takarar shugaban kasa a dandalin jam’iyyar, Farfesa Pat Utomi, ya amince da marawa Obi baya, wanda ya koma jam’iyyar a makon jiya.

Utomi, wanda fitaccen farfesa ne a fannin tattalin arziki, ya yanke amincewa janyewa Obi a ranar Litinin a wurin da aka gudanar da zaben fidda gwani na shugaban kasa na jam’iyyar a Delta.

Kara karanta wannan

An hana yan jarida shiga: APC na cigaba da tantance yan takararta na shugaban ƙasa a Abuja

Sai dai SaharaReporters ta samu labarin cewa Utomi ne ya taka rawar gani wajen ganin Obi ya koma jam’iyyar Labour daga PDP.

Utomi ya sanar da cewa Obi matashi ne mai fafutuka tare da ikon aiwatar da canjin da ake bukata a tsarin Najeriya.

Har ila yau, wani dan takarar mai shekaru 45, Joseph Faduri ya janyewa tsohon gwamnan duk dai a wurin zaben fidda gwanin.

Obi wanda ya kasance dan takarar shugaban kasa a jam’iyyar PDP, ya fice daga jam’iyyar sannan kuma ya fice daga takarar shugaban kasa a dandalin jam’iyyar a ranar 25 ga watan Mayu.

APC: Dan majalisan Arewa da ake zargi da badakalar kudin Korona ya rasa tikitin tazarce

A wani labarin na daban, Godday Odagboyi, dan majalisar tarayya mai wakiltar mazabar Apa/Agatu, ya sha kaye a yunkurinsa na sake tsayawa takara a zaben 2023 mai zuwa, TheCable ta ruwaito.

Kara karanta wannan

Da duminsa: EFCC ta gurfanar da Rochas Okorocha kan zargin damfarar N2.9bn

Odagboyi wanda ya tsaya takarar neman tikitin takarar Sanata na jam’iyyar APC ya sha kaye a hannun Adama Adama, hamshakin dan kasuwa wanda aka fi sani da Otalaka.

Da yake sanar da sakamakon a ranar Asabar, shugaban kwamitin zabe Franklin Shagbaor, ya ce Adama ya samu kuri’u 21,747 inda ya doke Odagboyi wanda ya samu kuri’u 3,151.

Asali: Legit.ng