Yaɗa Bidiyon Batsa: Kotu Ta Ɗaure Wasu 'Yan TikTok 2 a Kano

• Jihar Kano ta dauki matakan tsabtace abubuwan da ake yadawa a intanet, inda wata kotu ta yanke wa 'yan TikTok biyu hukuncin zaman yari
• Rahoto ya nuna cewa an kama Ahmad Isa da Maryam Musa da laifuffukan samu laifin yada bidiyon batsa, wanda ya sabawa dokokin jihar Kano
• Hukumar tace fina-finai da dab’i ta jihar Kano ce ta kama su bayan korafe-korafen jama’a game da bidiyon da suke yadawa
• Kotun Majistare ta Kano ta yanke musu hukunci bayan sun amsa laifinsu, tare da ba su damar biyan tarar N100,000 domin gujewa zaman gidan yari

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Kano - Ana ci gaba da daukar matakan da suka dace na tsabtace abubuwan da ake yadawa a intanet da kuma daidaita tarbiyar mazauna jihar Kano.

A wannan karo, rahoto ya nuna cewa wata kotu a jihar ta yankewa wasu 'yan TikTok hukuncin zaman gidan wakafi na shekara guda kowannensu.

Kara karanta wannan

Boko Haram ta tsallaka, ta kai harin ramuwar gayya a Neja, ta kashe bayin Allah

Hukumar tace fina finai ta cafke 'yan TikTok 2

Rahoton jaridar Daily Trust ya nuna cewa an samu 'yan TikTok din biyu da laifin yada bidiyon batsa, wanda ya saba da da'awar gyaran tarbiya ta jihar Kano.

Wadanda aka yankewa hukuncin, Ahmad Isa da Maryam Musa dukansu ’yan unguwar Ladanai ne da ke yankin Hotoro.

Tun da fari, an ce hukumar tace fina-finai da dab'i ta jihar Kano karkashin jagorancin Abba El-Mustapha ce ta cika hannunta da 'yan TikTok din.

An ce hukumar tace fina finan ta samu korafe-korafe a kan bidiyon batsa da wadanda aka yankewa hukuncin suke yadawa a shafukansu na TikTok.

Rahoton ya ce hukumar ta gurfanar da 'yan Tiktok din a kan tuhume-tuhumen da suka shafi hada baki don aika laifi da yada bidiyon batsa.

Kotun Kano ta yankewa 'yan TikTok hukunci

Kotun Majistare da ke Norman’s Land a karamar hukumar Fagge, jihar Kano ta yankewa Ahmad da Maryam hukunci bayan sun amsa laifinsu.

Kara karanta wannan

An shiga tashin hankali a Bauchi: 'Dan shekara 20 ya kashe mahaifiyarsa da tabarya

Kafin su amsa laifin, sai da, Barista Garzali Bichi, lauyan gwamnatin jihar Kano, ya karanta wa wadanda ake kara tuhume-tuhumen da ake yi masu da suka hada baki tare da yada bidiyon banza a dandalin sada zumunta.

Daga nan ne alƙaliyar kotun, Mai Shari’a Hadiza Muhammad Hassan ta yanke masu hukuncin daurin shekara guda a gidan yari.

Sai dai Mai Shari’a Hadiza ta ba wadanda ake tuhumar zaɓin biyan tarar N100,000 kowanne, tare da yi masu nasiha a kan zama mutanen kwarai a cikin al'umma.

Saurayi ya siyawa 'yar TikTok gidan N55m

A wani labarin, mun ruwaito cewa, wani saurayi ya gaji da zaman fitacciyar 'yar TikTok, Maryam Sa’idu a otel, ya siya mata gida mai darajar Naira miliyan 55.

Maryam Sa’idu ta bayyana cewa daga yanzu ta daina kwana a dakunan otel, domin za ta koma sabon gidanta da aka cika shi da kayan Naira miliyan 22.

Kara karanta wannan

'An yi zalunci': Shekarau ya fadi alakarsa da Kwankwaso bayan tono abin da ya faru tsakaninsu

Sai dai wannan ci gaban ya haifar da ce-ce-ku-ce, inda wasu ke ganin matashiyar ta yi nisan da ba za ta ji kira ba.

Muhammad Malumfashi, babban edita a sashen Hausa na Legit ya duba labarin.

Asali: Legit.ng