Abun Mamaki: An Saka Lemun Tsamin da Ya Shekara 285 a Kasuwa, an Taya Shi Naira Miliyan 1.8

• Mutane sun yi matukar mamakin yadda wani mutum ya taya lemun tsamin da ya shekara 285 a duniya kan naira miliyan 1.8
• Wani gidan gwanjon kayayyaki ne a Ingila ya saka lemun a kasuwa bayan da ya tsince shi a cikin wata dirowar kayayyaki
• A jikin lemun an ga wani sako da ke nuna cewa an ba da kyautar lemun ne a ranar 4 ga watan Nuwamba, shekarar 1739

Sani Hamza, kwararren edita ne a fanni n nishadi, al'amuran yau da kullum da kuma siyasa. Yana da shekaru sama da biyar a aikin jarida.

An yi gwanjon lemo mai shekaru 285 da aka gano a bayan wata tsohuwar dirowar ajiyar kaya a kan $1,780 (kimanin naira miliyan 1.8) a Ingila.

Wani gidan gwanjon kayayyaki na Brettells a Shropshire sun ce wasu ne suka kawo dirowar saka kayan da aka hada ta tun a karni na 19 a gidan gwanjon.

Kara karanta wannan

Bayan shafe kusan mako a hannun 'yan bindiga, dalibai da malaman makaranta sun shaki iskar 'yanci

Wani kwararre ne ke daukar hoton dirowar da zummar sayarwa a lokacin da aka gano lemo a bayan akwakwun dirowar, kamar yadda UPI ta ruwaito.

An rubuta sako a jikin lemun kamar haka: "Kyauta daga Mista P Lu Franchini a ranar 4 ga watan Nuwamba, 1739 zuwa ga Miss E Baxter."

Gidan gwanjon ya yanke shawarar yunkurin siyar da tsohon lemun, lamarin da ya sa jami’ai suka kadu a lokacin da suka sami wani babban tayin dala 1,780.

Amma ita dirowar an sayar da ita ne akan dala 40 kacal, kamar yadda Daily Trust ta ruwaito.

Kasashe biyar a duniya da rana ba ta faduwa

A wani rahoton na abubuwan ban al'ajabi, Legit Hausa ta tattaro maku bayani kan wasu kasashe biyar da rana takan dauki sama da kwanaki 70 ba tare da fadi ba.

Kara karanta wannan

Babban nasara: Sojoji sun sheke 'yan ta'adda 185, sun kama wasu 212

A wasu sassa na duniya kamar Norway, Kanada, Iceland, da Finland, rana na zuwa kusa da Da'irar Arctic, wanda ke sa ta tsaya da haskenta ko da a cikin dare.

Duba jerin kasashen a nan tare da bayanai akan yanayin su.

Kasashe biyar da ya kamata ka ziyarta don bude ido

Har ila yau dai, akwai wasu kasashen duniya biyar da ya kamata a ce ka ziyarta idan ka samu hali don ganin ababen tarihi da ban al'ajabi a yayin da kake yawon bude ido.

Wadannan kasashen na cike da gine-gine, al'adu, abinci da tsarin kasa mai ban sha'awa wanda kuma ke marabtar masu zuwa ci-rani.

Asali: Legit.ng