Yawan Kudade Da Kuma Kasashen Da Ke Bin Najeriya Bashi, Bayan Tinubu Ya Karbi $500m Daga Bankin Duniya

• Najeriya na daga cikin kasashen duniya da suke yawan karban basuka daga kasashe da dama
• Na kwanan nan shi ne wanda Bankin Duniya ta amince da ba da bashin $500m ga kasar Najeriya
• Wannan shi ne karo na biyu da sabuwar gwamnatin Shugaba Bola Tinubu ke karban bashi

Bankin Duniya a ranar Litinin 26 ga watan Yuni ta sanar da cewa ta amince da ba wa Najeriya sabon bashi na $500m.

A cikin sanarwar da bankin ta fitar, ta ba da bashin ne saboda inganta rayuwar mata a kasar.

Rahotanni sun tabbatar cewa wannan shi ne karo na biyu da bankin ke ba da bashin a karkashin mulkin Shugaba Bola Tinubu, Legit.ng ta tattaro.

Wani bangare na sanarwar a cewar gidan talabijin na Channels na cewa:

Kara karanta wannan

Da Ɗumi-Ɗumi: Jirgin NAF Ya Yi Luguden Wuta Kan Mafakar 'Yan Ta'adda 3 a Arewa, Rayuka Sun Salwanta

"Bankin Duniya ta amince da bashin $500m ga Najeriya don inganta rayuwar mata.

"Wannan tallafi zai taimakawa gwamnatin Najeriya wurin zuba kudade don inganta rayuwar mata a kasar."

Yawan basussukan da kasashe ke bin Najeriya daga watan Maris 2023

1. China (Bankin Exim na China): $4.34bn

2. Faransa: $593.75m

3. Japan: $62.02m

4. India (Bankin Exim na India): $26.64m

5. Jamus: $144.75m

Jerin hukumomin da suke bin Najeriya bashi daga watan Maris 2023

1. Kungiyar Cigaban Kasa da Kasa: $13.84bn

2. Bankin Kasa da Kasa da Gyare-gyare: $4885.35m

Gamayyar Bankunan Cigaban Afirka

1. Bankin Cigaban Afirka: $1.57bn

2. Tallafin Afirka: 19.97m

3. Kudin Tallafin Cigaban Afirka: 972.55m

Sauran hukumomin kasa da kasa da ke bin Najeriya bashi bayan Tinubu ya karba karo na biyu

1. Bankin ba da tallafi ta IMF: $3.30bn

Kara karanta wannan

Magana Ta Kare, Sanata Ya Faɗi Mutum 2 Tal da Suka Jawo Atiku Ya Sha Kashi Hannun Tinubu a Zaɓen 2023

2. Bankin Larabawa don Cigaban Afirka: $5.34m

3. Tallafin Cigaban Nahiyar Turai: $37.74m

4. Bankin Musulunci: 144.12m

5. Tallafin Kasa da Kasa don Cigaban Noma: $ 272.30m

Shugaba Tinubu Ya Rattaba Hannu Kan Dokar Bai Wa Dalibai Rance

A wani labarin, Shugaba Bola Tinubu ya rattaba hannu kan ba wa dalibai bashi a kasar.

Wakilin shugaban, Dele Alake shi ya bayyana haka a fadar shugaban kasa a ranar Litinin a Abuja.

Ba wa daliban bashi a cewar gwamnatin zai taimaka musu wurin yin karatu cikin sauki.

Asali: Legit.ng