Cikakken Jerin Ranakun Hutu Da Yan Najeriya Za Su Mora A Shekarar 2023

A bukukuwan sabuwar shekara da ake yi, ranar Lahadi 1 ga watan Janairu, ‘yan Najeriya za su huta kuma ba za su je aiki ba a ranar Litinin 2 ga watan Janairu saboda bin ka’idar da gwamnatin tarayya ta bayar na hutun aiki

FCT, Abuja - Ranar hutun sabuwar shekara na daya daga cikin hutu 16 da ‘yan Najeriya za su mora a wannan shekara ta 2023.

A duk lokacin sa gwamnatin tarayya ta sanar da ranar hutu daga ma’aikatar cikin gida, hakan na nufin makaranti da kasuwanni da bankuna da kuma ofisoshin gwamnati za su kasance a kulle a wannan ranar.

Ganin cewa hutu yana taimaka wa mutane wajen tsara jadawalin rayuwarsu, Legit.ng ta tattaro muku ranakun hutu a Najeriya da gwamnati ta bayar na shekarar 2023.

Kara karanta wannan

Da Dumi-Ɗumi: Gwamnatin Buhari Ta Ayyana Hutun Kwana 1 Saboda Bikin Rantsar da Tinubu

Ga jerin ranakun hutu a Najeriya na shekarar 2023.

1. Lahadi, 1 ga watan Janairu – hutun sabuwar shekara

2. Litinin, 2 ga watan Janairu – hutun sabuwar shekara (saboda ranar hutun ta kasance a ranar Lahadi)

3. Juma’a, 7 ga watan Afrilu – hutun ranar ‘Good Friday’

4. Litinin, 10 ga watan Afrilu – hutun ranar ‘Easter Monday’

5. Asabar, 22 ga watan Afrilu – hutun sallah karama

6. Lahadi, 23 ga watan Afrilu – hutun sallah karama

7. Litinin, 1 ga watan Mayu – hutun ranar ma’aikata

8. Asabar, 27 ga watan Mayu – hutun ranar yara (makarantu da dalibai kadai)

9. Litinin, 12 ga watan Yuni – hutun ranar dimukradiyya

10. Alhamis, 29 ga watan Yuni – hutun babbar sallah

11. Juma’a, 30 ga watan Yuni – hutun babbar sallah

12. Laraba, 27 ga watan Satumba – hutun ranar Maulidi

13. Lahadi, 1 ga watan Oktoba – hutun ranar ‘yancin kasa

Kara karanta wannan

Kotun Zabe Ta Kori Kararrakin Jam'iyyu Biyu da Suka Kalubalanci Nasarar APC a 2023

14. Litinin, 2 ga watan Oktoba – hutun ranar ‘yanci (saboda ranar hutun ta kasance ranar Lahadi)

15. Litinin, 25 ga watan Disamba – hutun ranar Kirsimeti

16. Talata, 26 ga watan Disamba – hutun ranar Dambe

Jerin Sunayen Manyan ’Yan Siyasar Najeriya da Suka Mallaki Jami’o’i Masu Zaman Kansu

A wani labarin, a Najeriya jami'o'in gwamnati suna fama da matsaloli daban-daban da suka hada da yajin aikin malaman jami'o'i da rashin ingantattun dakunan karatu da gwaji.

Legit.ng ta tattaro cewa Najeriya na da jami'o'i masu zaman kansu fiye da 100 wadanda gwamnati ta amince da su.

Daga cikin 'yan siyasan da suka mallaki jami'o'in akwai Atiku Abubakar da Olusegun Obasanjo da Rochas Okorocha da kuma Datti Baba-Ahmed da sauransu.

Asali: Legit.ng