Global site navigation

Na gargajiya

Wike Ya Soke Amincewar da Ya Yi Na Ba da Filin Wasa Don Yin Taron Gangamin Atiku a Jiharsa
Labarai

Wike Ya Soke Amincewar da Ya Yi Na Ba da Filin Wasa Don Yin Taron Gangamin Atiku a Jiharsa

daga  Salisu Ibrahim
  • Gwamna Nyesom Wike na jihar Ribas ya ce ba za a yi amfani da filin wasa a jiharsa don yin gangamin kamfen Atiku ba
  • A baya gwamnan ya ba da amincewarsa na yin amfani da filin, amma daga bisani ya sauya ra'ayi
  • Akwai 'yar tsama tsakanin gwamnan na PDP da dan takarar shugaban kasan jam'iyyar, Alhaji Atiku Abubakar da shugabanta na kasa Ayu Iyorchia

DUBA NAN: Danna “See First” karkashin karkashin "Following “ don samun labaran Legit.ng a shafinka na Facebook akai-akai

Gwamna Nyesom Wike na jihar Ribas ya janye amincewar da ya yi na ba da filin taron gangamin kamfen da Atiku ya nema don yin kamfen a jihar Ribas, The Nation ta ruwaito.

Jam'iyyar PDP ta nemi a ba ta filin wasa na Adekiye Amiesimaka na jihar ta Ribas domin gudanar gangamin kamfen dan takarar shugaban kasa, Alhaji Atiku Abubakar.

An hana Atiku filin kamfen a Ribas
Wike Ya Soke Amincewar da Ya Yi Na Ba da Filin Wasa Don Yin Taron Gangamin Atiku a Jiharsa | Hoto: thenationonlineng.net
Asali: Facebook

A halin da ake ciki, gwamna Wike kuwa na kan ganiyar nuna adawa da shugabancin PDP karkashin Ayu Iyorchia saboda wasu dalilai, lamarin da ya kawo rabuwar kai a PDP.

Kara karanta wannan

2023: Wasu Masu Son Gaje Buhari Abin Dariya Ne, Gwamnan Arewa Ya Tabo 'Yan Takarar Shugaban Kasa

An tattaro cewa, soke amincewar amfani da filin wasan da a farko aka ba Atiku bisa sharadi na daya daga cikin martanin gwamnan ga nuna adawarsa da shugabancin Ayu.

DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka

Dalilin soke wannan amincewar ta Wike

Gwamnan ya soke amincewar da ya yi a baya ta ranar 11 ga watan Janairu a jiya Talata 31 ga watan Janairun 2023.

Ya ba da wasikar sokewan ne ta hannun kwashinansa na wasanni, Christopher Green, wanda ya tura wasikar ga gwamnan jihar Sokoto, Aminu Tambuwal; daraktan kamfen na PDP a matakin kasa, Platinum Post ta tattaro.

Wasikar ta Wike ta zargi kungiyar kamfen na dan takarar shugaban kasa sashen jihar Ribas da kokarin gwama kamfen a filin tare da wani tsagi na jam'iyyar APC da Tonye Cole ke jagoranta.

Sai na tabbatar Atiku ya fadi a zaben bana, inji Wike

Kara karanta wannan

Peter Obi Zai Tashi a Tutar Babu a Jihar Arewa, Dan takarar Gwamnan Jam'iyyarsa Ya Nesanta Da Kamfen Din LP

A baya kunji yadda gwamna Wike ya bayyana aniyarsa na tabbatar da dan takarar shugaban kasa na jam'iyyar PDP ya sha kasa a zaben bana.

Wike ya bayyana cewa, akwai masu yi masa bita-da-kulli a jam'iyyar PDP saboda adawarsa da shugabanta.

Ana ci gaba da kai ruwa rana tsakanin shugabannin PDP da gwamnonin G-5, ciki kuwa har da Wike.

Asali: Legit.ng

Tags:
Online view pixel