Wata Jihar Arewa Ta Kwace Lasisin Dukkan Makarantun Frimare Da Sakandare Masu Zaman Kansu, An Bayyana Dalili

Wata Jihar Arewa Ta Kwace Lasisin Dukkan Makarantun Frimare Da Sakandare Masu Zaman Kansu, An Bayyana Dalili

  • Gwamnatin Jihar Plateau ta kwace lasisin dukkan makarantun frimare da sakandare masu zaman kansu a jihar
  • Elizabeth Wampun, kwamishinan ilimin (sakandare) a jihar ne ta sanar da hakan yayin wani taron manema labarai a ranar Alhamis
  • Wampun ta ce an dauki wannan matakin ne bayan an gano makarantun kudi fiye da 5000 a jihar suna aiki babu lasisi kuma ba su bin dokokin jihar

Jihar Plateau - Gwamnatin Jihar Plateau ta janye lasisin dukkan makarantun Nursery, Frimare da Sakandare masu zaman kansu a Jihar, Daily Trust ta rahoto.

Kwamishinan Ilimi na Jihar, Elizabeth Wampum, ce ta bayyana hakan yayin taron manema labarai a ranar Alhamis.

Dakin Karatu.
Jihar Plateau Ta Janye Lasisin Dukkan Makarantun Frimare Da Sakandare Masu Zaman Kansu. Hoto: @daily_trust.
Asali: Twitter

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Kara karanta wannan

Sukar gwamnatin Buhari da tagwayen Indimi ke yi ya janyo cece-kuce

Dalilin janye lasisin makarantun masu zaman kansu

A cewar kwamishinan, an dauki matakin ne bayan an gano fiye da makarantu 5000 masu zaman kansu a jihar suna aiki babu lasisi.

Ta ce kashe 90 cikin 100 na makarantu masu zaman kansu a Plateau ba su bin dokokin gwamnati, ta kara da cewa kashi 85 cikin 100 na lasisin makarantu masu zaman kansu da aka bada a baya, sun lalace.

Ta ce:

"Ana sanar da dukkan mutanen cewa dukkan makarantun Nursery, Frimare da Karamar Sakandare da Babban Sakandare masu zaman kansu a Jihar sai sun sake sabunta lasisinsu."

Kwamishinan ta ce an dauki wannan matakin ne domin dakile bude makarantu ba bisa ka'ida ba barkatai da ake a jihar da kuma tallafawa wadanda ke bin dokoki, domin samun ilimi mai inganci ga kowa.

ASUU: Lakcarorin Jami'ar Kaduna Sun Bijirewa Umurnin El-Rufai, Sun Ki Zuwa Yi Wa Dalibai Jarrabawa

Kara karanta wannan

Bayan Gwamnan Neja, Wani Gwamna A Arewa Shima Ya Haramta Karuwanci A Jiharsa

A wani rahoton, Kungiyar malaman jami'o'i ta Najeriya, ASUU, reshen Jami'ar Kaduna (KASU) ta ki komawa aji duk da barazanar da Gwamna Nasir El-Rufai ya yi na cewa zai kore su.

Mahukunta a makaranatar sun bukaci dalibai su dawo aji domin su cigaba da jarrabawansu bayan barazanar da gwamnan ya yi.

A ranar Litinin, an ga wasu daliban a aji suna rubuta jarrabawa inda shugaban jami'ar da wasu malamai ke duba su.

Asali: Legit.ng

Online view pixel