Jerin jihohi 24 da Farfesa Jega zai soke idan ya zama shugaban Najeriya a 2023

Farfesa Attahiru Jega, tsohon shugaban Hukumar Zabe Mai Zaman Kanta ta Kasa (INEC), ya yi imanin cewa hanya guda da zai bi wajen kawo canjin da ake so a Najeriya shi ne shiga siyasa da kuma yiwuwar shiga takarar shugaban kasa a 2023.

Ana kyautata zaton Jega zai tsaya takara a jam'iyyar Rescue Nigeria Project (RNP) tare da wasu manyan masu sharhi kan al'amuran yau da kullum kamar Pat Utomi da Donald Duke, tsohon gwamnan Kuros Riba.

Jega na da ra'ayin cewa rushe tsarin jahohi 36, da sake daidaita jihohin zuwa yankunan siyasa na kafin shekarar 1966, ko ma zuwa jihohi 12 na zamanin 1976/77 yana daya daga cikin mafi dacewa a hanyoyin fitar da ci gaba cikin sauri a fadin kasar nan.

A yayin taron farko na kungiyar RNP a Abuja a ranar Litinin, 20 ga Satumba, Jega ya lura cewa maganganun da ake a yanzu na kirkirar wasu jihohi wani yanki ne na nuna wariya a wasu yankuna.

Kara karanta wannan

Tsohon Shugaban INEC, Jega ya bada shawarar a kashe Jihohi 24 a Najeriya, a bar Gwamnoni 12

A cikin shawararsa, Jega ya ba da shawarar cewa soke wasu jihohi, akalla 24 daga cikin su, za su kasance abu mai yiwuwa da fa'ida.

Daily Trust ta ruwaito shi inda yake kushe yunkurin da wasu ke yi na taso da maganar kara jihohi a Najeriya su kai 42.

Jerin jihohin da za a soke su a Najeriya

Idan RNP ta ci nasarar karbe ragamar Najeriya, a kasa ga jerin jihohin da za a soke su daga 2023.

1. Abia

2. Adamawa

3. Akwa Ibom

4. Anambra

5. Bayelsa

6. Borno

7. Delta

8. Ebonyi

9. Edo

10. Ekiti

11. Enugu

12. Gombe

13. Jigawa

14. Katsina

15. Kebbi

16. Nasarawa

17. Ogun

Kara karanta wannan

Gagarumin sako zuwa Kudu maso Gabas: Ku rungumi APC ko ku rasa dama a 2023, Tsohon dan majalisa yayi gargadi

18. Ondo

19. Osun

20. Oyo

21. Sokoto

22. Taraba

23. Yobe

24. Zamfara

Attahiru Jega da wasu manyan Najeriya sun kirkiri sabuwar jam'iyyar ceto Najeriya

A wani labarin, Gabanin babban zaben shekarar 2023, wasu fitattun ‘yan Najeriya sun kafa runduna ta uku mai suna Rescue Nigeria Project (RNP).

Wadanda suka kafa RNP sun ce sun kaddamar da sabon tsarin siyasa ne domin baiwa 'yan Najeriya madadin jam'iyyar APC, da babbar jam'iyyar adawa ta PDP.

Jaridar Vanguard ta rahoto cewa wadanda suka kafa RNP sun hada da tsohon gwamnan jihar Kwara; Ahmed Abdulfatai, tsohon dan takarar shugaban kasa, Farfesa Pat Utomi, tsohon ministan ilimi; Farfesa Tunde Adeniran da tsohon gwamnan jihar Cross River, Donald Duke.

Asali: Legit.ng