Jam’iyyar APC ta Fitar da Matsaya a Kan Daga Zaben Shugaban kasa da ‘Yan Majalisa

• Felix Morka ya ce Jam’iyyar APC ba ta neman a fasa yin zabe, yake cewa sun shirya da kyau
• Sakataren yada labaran APC ya ce rade-radin cewa su na goyon bayan a daga zabe, karya ce
• Jam’iyyar tana sa ran mafi yawan ‘Yan Najeriya za su zabi Bola Tinubu da sauran ‘yan takaransu

Abuja - Jam’iyyar APC mai shugabanci a Najeriya ta karyata rade-radin da ake yi na cewa tana neman a dakatar da zaben shugaban kasa da na majalisa.

Premium Times ta fitar da rahoto cewa jam’iyyar APC ta fitar da matsayarta ne a wani jawabi daga bakin sakatarenta na yada labarai, Mr. Felix Morka.

A jawabin da Morka ya fitar a ranar Laraba, ya ce maganar goyon bayan daga zabe, ba gaskiya ba ne.

Kara karanta wannan

2023: APC na kitsa yadda za su sa kiristoci su tsane ni, Atiku ya tono sirrin 'yan APC

Kakakin na APC na Najeriya yake cewa sun samu jita-jita na yawo a kan neman a fasa yin zaben shugabannin kasa a ranar da hukumar INEC ta tsaida.

Buhari yana goyon bayan ayi gaskiya

A matsayinsa na sakataren yada labarai na jam’iyya, Morka ya ce APC da Mai girma shugaba Muhammadu Buhari su na goyon bayan ayi zabe na gaskiya.

Rahoton ya ce jam’iyyar APC ta ce tun farko an fito da labarin ne saboda a yaudari al’umma kurum.

Jawabin Felix Morka

“Hankalinmu ya je ga rahoton bogi da ke yawo a wasu gidajen yada labarai cewa jam’iyyar APC tana kokarin ganin an daga babban zabe na 2023.

Karara wannan rahoto karya ne, babu kanshin gaskiya a ciki. A labarin, babu bayani mai tsoka mai gaskata zargin, hakan ya nuna yaudara aka manufa.”

Kara karanta wannan

Zaben 2023: "Allah Na Dogara Da Shi Domin Nasara," Tinubu Ya Fada Wa Mahalarta Taron Ruwa Da Tsaki Na APC

Sha’anin zabe ya shafi harkar tsaro da zaman lafiyar kasa. Bai dace a bar wannan lamari ga ganganci, rashin tunani da gaggawar ‘yan jarida ba.

Abin da yake gaskiya shi ne a karkashin jagorancin Muhammadu Buhari, jam’iyyarmu ta yi kamfen da ya fi kowane a tarihi domin a zabi Bola Tinubu.

- Felix Morka

Najeriya sai Tinubu/Shettima

Morka yake cewa sun tsaya tsayin daka wajen ganin Tinubu, Kashim Shettima da sauran ‘yan takaran majalisa da na jihohi sun yi galaba a zaben bana.

The Cable ta ce yunkurin canjin wasu takardun kudi da bankin CBN ya yi ne ya jawo ake irin wannan rade-radi, duk da INEC ta ce ba za a fasa zabe ba.

Mun shiryawa babban zabe, kuma mu na sa ran dinbin ‘Yan Najeriya za su sake kada mana kuri’a a zaben kwarai wanda yake cikin zaman lafiya.

- Felix Morka

Bayanin samun N280m a banki

Kara karanta wannan

Minista Ya Yi Hasashen Zaben Shugaban Kasa, Ya Fadi Wanda Zai Gaji Buhari

A baya kun samu rahoto cewa magana ta fara fitowa game da zargin ICPC na samun sama da Naira miliyan 280 a wani bankin 'yan kasuwa a Abuja.

A lokacin da jami’an ICPC suka kawo samame a Abuja, bankin sun ce ana raba sababbin kudi a na’urorin ATM kamar yadda CBN ya yi umarni.

Asali: Legit.ng