Bola Tinubu Ne Ya Fi Cancantar Zama Shugaban Kasa, Inji Uba Sani

• Dan takarar gwamnan APC a jihar Kaduna ya bayyana dan takarar shugaban kasan APC a matsayin jigon dimokradiyya
• Sanata Uba Sani ya ce tabbas Tinubu ne ya fi cancanta ya gaje kujerar shugaban kasa Manjo Muhammadu Buhari mai ritaya a 2023
• Jam'iyyar APC ta tsayar da Asiwaju Bola Ahmad a matsayin gwaninta da zai gwabza a zaben 2023, Sanata Kashim Shettima ne abokin gaminsa

Kaduna - Dan takarar gwamna a jihar Kaduna a jam'iyyar APC, Uba Sani ya ce dan takararsu na APC da ke neman gaje kujerar Buhari ne mafi cancantan zama shugaban kasa a zaben 2023.

Idan baku manta ba, mun kawo muku rahoton cewa, jam'iyyar APC ta tsayar da Bola Ahmad Tinubu a matsayin dan takarar shugaban kasan a zabe mai zuwa nan da badi.

Kara karanta wannan

Yadda Sowore Ya Kusa Yin Fada da Hamza Al-Mustafa da Kashim Shettima a Taro

Uba sani, wanda sanata ne mai wakiltar Kaduna ta tsakiya, ya ce Tinubu ya yi amfani da karfi da dukiyarsa wajen ciyar da dimkoradiyya gaba a kasar nan yayin da wasu 'yan takarar kuma tubabbun 'yan mulkin soja ne.

A cewar dan takarar gwamnan, wannan lokaci ne da ya kamata a ba Tinubu dama ya zama shugaban kasa saboda zai ciyar da kasar gaba ainun.

Uba Sani ya bayyana hakan ne a wani bikin karramawa ta mazauna Kaduna 'yan asalin jihar legas da ya a ranar Lahadi 2 ga watan Oktoba, Punch ta ruwaito.

A kalamansa:

"Ba zai yiwu mu kwatanta Tinubu da sauran 'yan takaran shugaban kasa ba, saboda babu su a lokacin da Asiwaju ke fafutukar tare da mutane kamar mu wajen tabbatar da dimokradiyyar da yanzu muke mora."

Kara karanta wannan

Allah na tuba: Malamin addini ya karbi kudin Tinubu, ya yi nadamar abin da ya aikata

Tasirin Tinubu a jihar Legas

Shugaban kungiyar ta mazauna Kaduna 'yan asalin jihar Legas, Sheriff Olutusin ya gina ababen more rayuwa da ilmantar da jama'a tare da kawo sauye-sauye a jihar Legas, The Nation ta ruwaito.

Hakazalika, tsohon gwamnan na Legas ne ya habaka tattalin arzikin Legas daga N600m zuwa N50bn da ma dai sauran ayyukan ci gaba a jihar.

Taron ya samu halartar baki da mawakan da suka karbi lambobin yabo kamar su dan gwamnan Kaduna, Bello El-Rufai, CSP Idiyat Olugbeja mai ritaya, Alhaji Pa Lander Akanbi Lawal da Sheikh Ibrahim Al-Imam Shittabey da da sauransu.

Malamin Coci Ya Yi Nadama, Ya Nemi Gafara Saboda Karbar Kudin Shan Ruwa a Hanya Daga Hannun Tinubu

A wani labarin, Rabaran Danjuma Byang, mamba daga manyan malaman addinin kirista daga Arewa da suka wakilci tawagar Pentecostal wajen ganawa da dan takarar shugaban kasa a jam'iyyar APC ya bayyana kadan daga abubuwan da suka tattauna a kai.

Kara karanta wannan

Zaben 2023: Tinubu ya ce zai ba 'yan Najeriya mamaki, zai sauya makomar Najeriya

Jairdar The Guardian ta ruwaito cewa, malamin ya rubuta wata wasikar nuna nadama a kafar WhatsApp, inda ya fasa kwai kan tattaunawarsu da Tinubu.

An zargi malaman na coci daga Arewa da cike aljifansu da kudi bayan da suka gana da Tinubu.

Asali: Legit.ng