Zaben Anambra: Dalilai 5 da suka sa PDP ta sha mummunan kaye a zaben gwamna

Zaben Anambra: Dalilai 5 da suka sa PDP ta sha mummunan kaye a zaben gwamna

Sakamakon farko na zaben gwamnan Anambra ya nuna cewa jam'iyyar PDP na bayan jam'iyyar All Progressives Grand Alliance (APGA), wacce ta lashe zaben.

Anambra - A zaben, dan takarar jam'iyyar adawa ta PDP Valentine Ozigbo ya lashe karamar hukuma daya kacal a kada kuri'a da aka yi.

Ozigbo ya samu kuri’u 3,445 inda ya doke Chukwuma Soludo, dan takarar jam’iyyar APGA, wanda ya samu kuri’u 3,051, yayin da jam’iyyar All Progressives Congress (APC) ta samu kuri’u 1,178 a karamar hukumar Ogbaru.

Zaben Anambra: Dalilai 5 da suka sa PDP ta sha mummunan kaye a zaben gwamna
Dan takarar gwamnan jam'iyyar PDP na Anambra a zaben 2021, Valentine Ozigbo | Hoto: Valentine Ozigbo
Source: Facebook

Wannan shine nasara ta farko da PDP ta samu a tsakanin kananan hukumomin jihar da aka kada kuri'a a zaben na gwamna.

Hakan ya faru duk da tasirin tsohon gwamna Peter Obi da Sanata Uche Ekwunife, shugaban kwamitin yakin neman zaben jam'iyyar PDP na jihar Anambra.

Read also

Yanzu-Yanzu: Daga ƙarshe, INEC ta ayyana wanda ya lashe zaɓen gwamnan jihar Anambra

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Kasancewar su ma ‘yan siyasar biyu ba su iya kawo kuri'un da Anaocha ba, wata kila karamar hukumarsu ta sanya Obi da Ekwunife a wani layin a siyasance.

A cikin wannan rahoton, Legit.ng ta bayyana dalilai biyar da suka sa PDP ta lashe karamar hukuma daya kacal.

1. Jajircewar masu kada kuri'u a Anambra

Zaben gwamnan Anambra na 2021 ya tabbatar da cewa masu kada kuri'a sun waye sosai kuma suna iya zabar shugaban da suke so ba tare da samun matsala a wasu bangarori ba.

Duk da cewa fitowar jama'a ba ta da yawa, masu jefa kuri'a sun yanke shawarar yin magana da murya daya ta hanyar nisantar da kansu daga siyasar ubangida da kuma yin magudi a fili.

Nuna zabin masu kada kuri'a ya nuna cewa sun fi mayar da hankali ne kan tasirin 'yan takara fiye da jam'iyyun da suke takara a karkashinsu.

Read also

Zaben Anambra: Mata ta haihu jim kadan bayan kada kuri'a, ta rada masa suna Soludo

2. Rashin girman kai

Wasu jiga-jigan ’yan siyasa a jihar ta Kudu maso Gabas da ba su tsaya takara ba sun goyi bayan ’yan takarar da suka tsaya takara ba tare da nuna girman kai ba.

Daga ciki akwai dan takarar mataimakin shugaban kasa a 2019 wanda tabbas da zai yi watsi da alfahari a jam’iyyar PDP ta hanyar asarar ‘yan takarar da ya ke so sau biyu kai tsaye.

A shekarar 2017, dan takarar Obi, Oseloka Obaze ya sha kaye a hannun Gwamna Obiano, sannan Ozigbo a wajen wanda Obiano ya tsayar. Hakazalika an zargi tsohon gwamnan da sa baki a zaben fidda gwani na gwamna na jam’iyyar PDP.

3. Tsayuwar INEC kan gaskiya

Hukumar Zabe Mai Zaman Kanta ta Kasa (INEC) ta kuduri aniyar gudanar da sahihin zabe duk da matsalar tsarin tantance masu kada kuri’a (BVAS).

A yayin da ake zargin hukumar zaben na da alaka da wata jam’iyyar siyasa, a bayyane yake cewa babu wata makarkashiya da aka yi a lokacin da aka fara kada kuri'u.

Read also

Da duminsa: Soludo ne a sahun gaba, APGA ta lashe kananan hukumomi 16 a Anambra

Kyawawan sabbin abubuwa sun yi kokarin sanya aminci a zukatan masu kada kuri'a da aminci wajen sanar da sakamakon zabe.

4. Karfin APGA na jure wa wahala

Daurewar APGA duk da rikicin cikin gida da ya haifar da sauya sheka daga manyan masu ruwa da tsaki na jam'iyyar duk da haka bai sauya komai ba.

Jam’iyyar APGA ta tabbatar wa da duniya cewa jam’iyyar da ke mulki a jihar Anambra ta yi kaurin suna da rashin jituwar cikin gida da ‘yan adawa.

Tasirin jam’iyyar da kuma irin karbuwar da mai rike da tutar jam’iyyar ya yi ya taka rawa wajen doke PDP ba tare da la’akari da dabarun nasarar da take dasu ba.

5. Rikicin cikin gida na PDP

Jam’iyyar adawar dai ta sha fama da rikicin cikin gida a matakin kasa da jiha kafin zaben gwamnan.

Jam’iyyar PDP ta gudanar da zaben fidda gwani na jam’iyyar wanda ya sanar da Sanata Ugochukwu Uba da Ozigbo a matsayin wadanda suka yi nasara.

Read also

Zaben Anambra: Soludo ya lashe karamar hukumar Anaocha, mahaifar 'yan takara uku

Ko da yake Ozigbo ya samu karbuwa daga shugabancin jam’iyyar na kasa, amma wakilan wani tsagi sun yi adawa da tsarin da ya samar da tsohon shugaban Transcorp Plc.

Takaitaccen tarihin zaben gwamna tun shekarar 1999 zuwa bana

A wani labarin, a ranar 6 ga watan Nuwamba jihar Anambra ta kada kuri'a domin zaben sabon gwamna. Kamar yadda aka saba, kamar duk zabukan da aka yi a jihar, wannan zabe na musamman yana da sabon salo.

A cikin wannan rahoto, Legit.ng ta kawo muku takaitaccen tarihin zaben gwamna a jihar Anambra.

A ranar 29 ga Mayun 1999, aka rantsar da Chinwoke Mbadinuju a matsayin gwamnan farar hula na jihar Anambra.

Source: Legit.ng

Online view pixel