An Yi Rashi: Basarake kuma Babban Malamin Addini Ya Yi Bankwana da Duniya

• Iyalan Fasto Reverend Samson S. Yisa sun sanar da rasuwarsa a ranar Alhamis, 29 ga Oktoba, 2026, suna jimamin babban rashi
• Marigayin, wanda aka fi sani da Babazhitsu na ƙauyen Dagbalodo, kusa da Kpada, a yankin Patigi na Kwara, ya rasu
• Iyalan marigayin sun bayyana shi a matsayin uba, kaka, kakan kaka, ɗan’uwa, miji da kawu, tare da miƙa komai ga Ubangiji

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru biyar.

Ilorin, Kwara - Iyalan Fasto Samson S. Yisa sun sanar da rasuwarsa, inda suka bayyana shi a matsayin uba, kaka, kakan kaka, ɗan’uwa, miji da kawu.

Marigayin wanda ke riƙe da sarautar gargajiya ta Babazhitsu na ƙauyen Dagbalodo, kusa da Kpada, a yankin Patigi na jihar Kwara.

Wakilin Legit Hausa ta gano labarin rasuwar malamin ne a wani rubutu da ya yi a shafin Facebook.

Kara karanta wannan

Gwamna Dauda Lawal ya mika sandar mulki ga sabon Sarkin Gusau da wasu sarakuna 18

Rahotanni sun ruwaito cewa Reverend wani malamin addinin Kirista ne da aka naɗa domin gudanar da ayyukan addini ko kuma wani babban jigo a cocin Kirista.

Rasuwar Rabaran Samson Yisa

Iyalan sun bayyana cewa sun amince da wannan rashi cikin miƙa wuya ga Allah, inda suka miƙa dukkan abubuwan da suka shafi rasuwarsa ga ikon Allah Maɗaukakin Sarki.

Sarautar Babazhitsu da Reverend Yisa ke riƙe da ita na nuna matsayinsa a cikin al'ummar Dagbalodo, inda aka san shi a fannin addini da kuma harkokin gargajiya.

Iyalan sun karrama marigayi malamin addinin Kirista na Kwara

Baya ga matsayinsa na gargajiya, saƙon ta'aziyyar iyalansa ya nuna irin muhimmancin da yake da shi ga 'yan uwa da zuri'arsa.

Sun bayyana cewa marigayin ya kasance babban uba ga tsararraki daban-daban, sannan ya taka rawar gani a matsayin ɗan’uwa da miji.

Sai dai iyalan ba su bayyana ƙarin bayanai game da yanayin rasuwarsa ko shirye-shiryen jana'izarsa ba a cikin sanarwar.

Kara karanta wannan

Matasa sun kira sarki a waya, sun yi barazanar yin garkuwa da shi a Kano

Karanta sanarwar iyalan Reverend Samson Yisa

Mutane sun yi jimamin rasuwar Reverend Yisa

Har ila yau, wasu masu amfani da Facebook sun bayyana alhininsu tare da aika saƙonnin ta'aziyya ga iyalan marigayin bayan sanar da rasuwarsa.

Mujahid Ahmad ya rubuta cewa:

"Babban ta'aziyyata gare ki da daukacin iyalanki, 'yar uwa. Allah Ya sanyaya zukatanku, Ya ƙarfafa ku a wannan lokaci mai wahala, Ya kuma bai wa kakanku ƙaunatacce hutu na har abada. Ba za a manta da shi ba."

Samson Gana ya ce:

"Allah Ya jiƙan kakana."

Adama Abel ta ce:

"Allah Ya jikansa."

Iyali sun bayyana bayanai masu tayar da hankali bayan zargin dukan matan da suka gudanar da zanga-zangar nuna adawa da sace mutane a gidan gwamnatin Kwara.

Fasto ya mutu bayan ya kwana a otal

A baya, an ji cewa wani faston ɗariƙar Katolika ya yi bankwana da duniya bayan ya je otal cin duniya da tsinke tare da masoyiyarsa.

Fasto Joseph Kariuki Wanjiku mai shekara 43 a duniya ya kama ɗaki ne a otal ɗin da yammacin ranar Juma'a.

Sai dai, faston ya mutu ne da safiyar ranar Asabar bayan ya kwashe wasu sa'o'i a otal ɗin tare da budurwarsa.

Asali: Legit.ng