Fitaccen Malami Ya Yi Hasashen Sabon Farashin Naira Kan Dala, Ya Ce Buhun Shinkafa Zai Kai 90k

Fitaccen Malami Ya Yi Hasashen Sabon Farashin Naira Kan Dala, Ya Ce Buhun Shinkafa Zai Kai 90k

  • Primate Elijah Ayodele ya yi sabon hasashen mai daga hankali yayin da darajar naira ke ci gaba da faduwa kan dalar Amurka
  • Malamin addinin ya bayyana cewa farashin buhun shinkafa zai koma N90,000 a gwamnatin Shugaban kasa Bola Tinubu
  • Primate Ayodele ya kuma bayyana sabon farashin chanji yayin da farashin kaya ke ci gaba da hauhawa da kuma tsadar rayuwa

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amuran yau da kullum

Yayin da ake tsaka da fama da matsin rayuwa sakamakon manufofin tattalin arziki na gwamnatin tarayya, Primate Elijah Ayodele, na cocin INRI, ya yi gagarumin gargadi ga Shugaban kasa Bola Ahmed Tinubu.

Malamin addinin ya bayyana cewa Najeriya za ta fuskanci durkushewar tattalin arziki idan ba a dauki matakan gaggawa ba, rahoton Daily Post.

Kara karanta wannan

Tsadar rayuwa: Gwamnan Arewa ya sharewa iyalai 70,000 hawaye, ya raba kayan abinci na miliyan 225

Ayodele ya yi hasashen sabon farashin shinkafa
Malamin Addini Ya Yi Hasashen Sabon Farashin Naira Kan Dala, Ya Ce Buhun Shinkafa Zai Kai 90k Hoto: Primate Babatunde Elijah Ayodele, Asiwaju Bola Ahmed Tinubu
Asali: Facebook

Ya bayyana hakan ne a cikin wata sanarwa dauke da sa hannun mai taimaka masa kan harkokin labarai, Osho Oluwatosin.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Primate Ayodele ya bayyana cewa idan Shugaban kasa Tinubu bai yi abin da ya kamata ba, tattalin arzikin Najeriya ba zai daidaita ba har sai a 2026, rahoton Nigerian Tribune.

Farashin shinkafa zai kai N90,000, Ayodele

Babban faston ya yi hasashen cewa dala za ta kai N1,700 sannan buhun shinkafa zai haura N90,000 idan har ba a aiwatar da wani kwakkwaran mataki na magance rudani da al'ummar kasar ke ciki a halin yanzu ba.

A cewar Ayodele:

“Akwai bukatar su samar da tsaro, rage farashin kayayyakin abinci, samar da isasshiyar wutar lantarki da inganta kayayyakin cikin gida. Wannan zai taimaka wa gwamnati kuma zai karya darajar dala.
‘’Duk wadannan matakan da suke dauka ba za su yi tasiri ba; kawai dai zai haifar da hauhawar farashin kayayyaki ne.

Kara karanta wannan

Tsadar rayuwa: Yadda hukumar DSS ta tsare malamin addinin Musulunci a Kaduna kan caccakar Tinubu

"Idan ba su yi abin da ya dace ba, Najeriya za ta sayi dala kan N1,700, buhun shinkafa zai kai N90,000 sannan zai kashe tattalin arzikin kasar.
"Da alama ba su da masaniya cewa hakan ba zai taimakawa halin da ake ciki ba.''

An bukaci Tinubu ya kawo karshen yunwa

A wani labarin, mun ji cewa mai martaba Sarkin Kano, Alhaji Aminu Ado Bayero, ya ƙarbi baƙuncin uwargidan shugaban ƙasa, Remi Tinubu a fadarsa da ke birnin Kano.

Sarkin na Kano a yayin ziyarar da uwargidan Tinubu ta kai masa, ya miƙa mata saƙonni waɗanda za ta ba shugaban ƙasan idan ta koma, cewar rahoton Daily Trust.

Asali: Legit.ng

Authors:
Aisha Musa avatar

Aisha Musa (Hausa writer) Aisha Musa 'yar jarida ce wacce ta kwashe shekaru biyar tana aikin gogewa a harkar yada labarai. Ta kammala karatun ta a Jami'ar Ibrahim Badamasi Babangida (IBB Lapai) a shekarar 2014 tare da digirin farko a fannin Tarihi. Aisha Editan Hausa ce wacce ke amfani da kwarewa da kwazonta don karfafawa wasu gwiwar yin aiki tukuru don cimma nasara. Ta karbi lambar yabo na gwarzuwar shekarar 2021 a bangaren Hausa na Legit. Za ku iya aika mata sakonnin imel ta adireshinta aisha.musa@corp.legit.ng

Online view pixel