Yan Bindiga Sun Kashe Limamin Coci, Sun Yi Awon Gaba Da Mutum 7 Ana Tsaka Da Bauta

• Yan bindiga sun kashe wani limamin cocin Redeemed Christian Church of God (RCCG) sannan sun yi garkuwa da yan cocin bakwai yayin da suke tsaka da bauta a jihar Ogun
• Yan bindigar sun farmaki cocin RCCG da ke Abule-Ori tsakar dare yayin da ake gudanar da bauta
• Sai dai kuma jami'an tsaro sun ceto mutum bakwai da aka yi garkuwa da su a cocin ba tare da rauni ba sannan sun kashe dan bindiga daya

Jihar Ogun - Yan bindiga sun farmaki cocin Redeemed Christian Church of God (RCCG) yayin da suke tsaka da bauta, sun kashe fasto tare da garkuwa a yan cocin bakwai a jihar Ogun.

Kamar yadda jaridar Nigerian Tribune ta rahoto, mummunan al'amarin ya afku ne a ranar Asabar, 1 ga watan Yuli, a Abule-Ori, a yankin karamar hukumar Obafemi Owode.

Kara karanta wannan

Yadda Magidanci Ya Kange Matarsa Tare Da Hana Ta Abinci Na Tsawon Shekaru Biyu a Wata Jihar Arewa

Ganzallo ya ce da samun labarin mai cike da damuwa kan lamarin, sai jami'an rundunar So-Safe suka shiga aiki. Sun ceto yan cocin da aka sace ba tare da rauni ba sannan suka kashe mutum daya yayin aikin.

Shugaban rundunar So-Safe ya ce:

"Tawagar rundunar ta musamman, reshen Owode-Egba, karkashin jagorancin ACC Jimoh Rasaki Omoniyi, sun samu kira mai cike da damuwa cewa anyi garkuwa da wasu mambobin cocin Redeemed Christian Church of God, karkashin yankin Ogun, Abule-Ori a karamar hukumar Obafemi Owode sannan an kashe faston."

Ganzallo ya kara da cewar:

"An ceto mutanen bakwai ba tare da rauni ba yayin da aka kashe daya daga cikin masu garkuwa da mutanen kuma mutane da dama sun jikkata a yayin musayar wuta."

Ya ci gaba da bayyana cewa jami'an yan sandan da na So-Safe suna bibiyar masu garkuwa da mutanen domin kamo su da ransu, rahoton Vanguard.

Kara karanta wannan

Yadda Yan Daba Suka Caccaki Wani Dan Kasuwa Har Lahra a Jihar Kano

Yan daba sun dabawa wani dan kasuwa wuka a Kano

A wani labarin, wasu yan daba a kauyen Dakasoye da ke karamar hukumar Garun Malam ta jihar Kano sun caki wani dan kasuwa, Alhaji Auwalu Gambo, a safiyar ranar Litinin, jaridar Daily Trust ta rahoto.

Lamarin ya haddasa tsoro da juyayi a kauyen yayin da yan ta'addan suka je gidan marigayin sannan suka caccake shi sau da dama har sai da ya ce ga garinku.

Asali: Legit.ng