Allah Ya Yiwa Mahaifin Gwamnan Jihar Bayelsa, Pa Diri Rasuwa

• Labarin da muke samu ya bayyana cewa, Allah ya yiwa mahaifin gwamnan jihar Anambra rasuwa a yau
• Rahoto ya bayyana cewa, Pa Diri ya rasu yana da shekaru 88 a duniya, kuma tsohon shugaban makarantar firamare ne
• Majiya daga ahalin ta bayyana cewa, ana ci gaba da shirin jana'iza, za a sanar da lokacin da za a binne shi

Jihar Bayelsa - Gwamnan jihar Bayelsa, Sanata Douye Diri ya yi rashin mahaifinsa, Abraham Michael Joseph Diri, Tribune Online ta ruwaito.

Ya zuwa yanzu dai ba a shaidawa duniya sanadiyyar mutuwar marigayi mahaifin gwamnan ba.

A cewar wata sanarwa da Mr. Jothan Diri, a madadin ahalin Diri na Kalama-Owei Wari ya fitar a, an ce dattijon ya rasu yana da shekaru 88 a duniya.

Mr. Jothan ya kara da cewa, ya zuwa rasuwarsa, ya kasance tsohon shugaban makarantar firamare, kuma Kirista mai riko da addini kana mutum abin koyi a cikin al’umma, rahoton Punch.

Kara karanta wannan

Karya Ne, Babu Wanda Ya Yiwa Mai Mala Buni Rajamu: Ahmad Lawan

A cewarsa:

“Ahalin Diri da al’ummar Sampou gaba daya sun shaida cewa dan uwanmu kuma mahaifinmu ya yi rayuwa cikakkiya. Za a sanar da shirye-shiryen jana’izarsa nan kusa.”

Allah Ya Yiwa Dan Sanata David Mark Rasuwa

A watan Oktoban shekarar da ta gabata ne Allah ya yiwa dan sanata David Mark rasuwa, kamar yadda rahotanni suka bayyana.

A ruwaito cewa, Tunde Mark ya rasu ne a wani asibitin Burtani bayan rashin lafiya da ya yi na dan wani lokaci.

An ce ya kasance dalibin da ya yi shuhura a manyan makarantun kasar nan da ma na kasar waje.

Ya rasu ya bar mata da da daya, kamar yadda rahotanni daga majiyoyi da yawa suka bayyana a lokacin rasuwarsa.

Allah ya yiwa mahaifiyar Ghali Na'Abba rasuwa

A wani labarin kuma, Hon. Ghali Umar Na'abba ya yi rashin mahaifiyarsa shekarar 2022 da ta gabata bayan rashin laifiya da ta yi.

Kara karanta wannan

Ba Zan Yarda Ba, Mahaifiyar Alkalin Da Aka Bindige Cikin Kotu a Imo Tana Jimami

Ghali ya kasance tsohon kakakin majalisar wakilai a Najeriya, inda ya rike kujerar a zamanin mulkin Obasanjo daga 1999 zuwa 2003.

Yayin jana'izar baiwar Allahn, an ga jiga-jigan siyasar kasar nan daga bangarori daban-daban, ciki har da gwamnoni, sanataoci, 'yan majalisu da dai sauran masu fada a ji na Najeriya.

Asali: Legit.ng