Yobe: An Gibge Jami'an Tsaro Yayin da Shugaba Buhari Zai Kai Ziyara Damaturu
- Rahotani sun tabbatar da cewa an kara jibge jami'an tsaro a Damaturu gabanin isowar shugaban kasa Buhari ranar Litinin
- Shugaban zai kai ziyara jihar Yobe gobe Litinin, 9 ga watan Janairu, 2023 domin kaddamar da wasu muhimman ayyuka
- Ana tsammanin Buhari zai bude sabbin ayyukan da suka shafi rundunar yan sanda da kuma na gwamnatin Mala Buni
Yobe - An kara tsaurara tsaro a Damaturu, babban birnin jihar Yobe yayin da shugaban kasa, Muhammadu Buhari, zai kai ziyara jihar ranar Litinin.
Wakilin hukumar dillancin labarai ta ƙasa (NAN) a ranar Lahadi ya tattara cewa Dakarun rundunar 'yan sanda sun yi wa birnin tsinke tare da sauran jami'an hukumomin tsaro.
Asali: UGC
Jaridar Vanguard ta ruwaito cewa tulin jami'an tsaron sun mamaye muhimman wurarae a babban birnin jihar Yobe da ke arewa maso gabashin Najeriya.
Kakakin rundunar yan sandan Yobe, DSP Dungus Abdulkarim, ya shaida wa NAN cewa jami'an sun shirya tsaf da cikakkun kayan aiki domin tabbatar da zaman lafiya da tsaro gabanin, lokacin da kuma bayan ziyarar Buhari.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Wane ayyuka shugaban kasa zai yi a Damaturu?
Yace mai girma shugaban kasa zai kaddamar da sabuwar hedkwatar 'yan sanda da aka gina, Asibiti da makarantar Sakandiren 'yan sanda a Damaturu.
Haka zalika ana tsammanin Buhari zai kaddamar da filin jirage masu dauko kaya, sabuwar makarantar zamani a rukunin gidajen New Bra Bra, sabon Asibitin yara da haihuwa da kuma kasuwar Damaturu.
Tun da farko, kwamishinan kasuwanci, masana'antu da wuraren bude Ido na Yobe, Alhaji Barma Shettim, yace kasuwar da Buhari zai bude ta kunshi manyan abubuwa na zamani.
Yace an kammala aikin zamanantar da kasuwannin Nguru da Gashuwa yayin da garin Potiskum aikin ya cimma kashi 65 cikin dari.
An ce tuni fastocin Bola Ahmed Tinubu, dan takarar shugaban kasa a APC, da na gwamna Buni suka mamaye gidan gwamnati da kuma Filin wasan August 27.
Shugabannin APC a Akwa Ibom suna munafuntar Tinubu
A wani labarin kuma Ministan Buhari da ya yi murabus ya ce akwai wasu jagororin APC dake cin amanar Tinubu a boye
Tsohon ministan Buhari kuma mataimakin shugaban kwamitin kamfen APC na kasa, Godswill Akpabio, yace wasu jiga-jigai suna yi wa Atiku aiki a boye.
Sanatan ya ce ya san wasu shugabannin APC a jihar ta Akwa Ibom, wadanda ke fadin Sai Asiwaju da rana amma da daddare su koma Atiku da PDP.
Asali: Legit.ng
