Da Duminsa: Tubabben Sarkin Zamfara Ya Kwanta Dama a Dubai

Da Duminsa: Tubabben Sarkin Zamfara Ya Kwanta Dama a Dubai

  • Tsohon Sarkin Zurmi a jihar Zamfara, Alhaji Abubakar Atiku, ya riga mu gidan gaskiya a wani asibiti dake Dubai
  • Sarkin da Gwamna Bello Muhammad Matawalle ya tubewa rawani a shekarar da ta gabata, ya rasu sakamakon jinyar da yayi fama da ita
  • Kamar yadda iyalansa suka bayyana, har yanzu ba a dawo da gawarsa gida Najeriya ba domin masa jana'iza

ABIN LURA: Za ku iya ceton rayuwar diya mace dake cikin hadari. Bada gudunmuwarka ga Patreon na Legit

Zamfara - Korarren Sarkin Zurmi na jihar Zamfara, Abubakar Atiku, ya rasu a Dubai, babban birni a Haddadiyar Daular Larabawa.

Atiku ya rasu a wani asibiti mai zaman kansa dake Abu Dhabi bayan fama da gajeriyar rashin lafiya da yayi da ita.

Taswirar Zamfara
Da Duminsa: Tubabben Sarkin Zamfara Ya Kwanta Dama a Dubai. Hoto daga thecable.ng
Asali: UGC

Wani daga cikin iyalansa, Sani Zurmi, ya sanarwa da The Punch cewa ba a riga da ana dawo da gawar tsohon basaraken ba Najeriya domin jana'iza.

Kara karanta wannan

Kwankwaso: Zulum Ya Ci Taliyar Ƙarshe, NNPP Za Ta Ƙwace Borno A 2023

“Har yanzu gawarsa tana Dubai saboda rashin jirgin da za a dawo da shi gida domin jana'iza," Zurmi yace.

DUBA: Bibiyemu a Instagram don samun labarai masu muhimmanci kai tsaye cikin manhajar

Punch ta rahoto cewa, an tube mamacin daga kujerarsa tare da Sarkin Dansadau, Husaini Umar a ranar 27 ga watan Afirilun 2021 kan zarginsu da taimakawa ta'addanci.

Hotuna: Yadda aka yi bikin naɗin sarautar riƙaƙen ɗan ta'addan da FG ke nema ido rufe

A wani labari na daban, an yi wa rikakken dan ta'adda Ado Aleru, nadin sarautar Sarkin Fulani a masarautar 'Yandoton daji dake jihar Zamfara.

'Yandoton daji tana daya daga cikin sabbin masarautu biyun da gwamnatin jihar Zamfara ta kirkiro a watan Mayun da ya gabata.

An kirkiro ta ne daga masarautar Tsafe. Sabon sarkin Yandoton Daji shine Aliyu Marafa.

Hukuncin bai wa shugaban 'yan bindigan sarauta ya biyo baya ne sakamakon kokarin da yayi na tabbatar da zaman lafiya tare da jagorantar yarjejeniya tsakanin masarautar da 'yan ta'addan da suka addabi karamar hukumar Tsafe.

Kara karanta wannan

Daga karshe: Dalilin ganawar Wike da Atiku, Tinubu, Peter Obi da Obasanjo a Landan ya fito

Asali: Legit.ng

Online view pixel